Si palui: Bapatuk Habang

Limbah ada maklumat kepsek itu, sakalinya kadada lagi buhan murid binian nang bapatuk habang alias bagincu tabal.

Si palui: Bapatuk Habang
BPost/Riza
Ilustrasi Palui 

JADI guru Palui ya sakalinya limbah tamat Paket C setara SMA, masuk perguruan tinggi di daerahnya saurang sambil kuliah jurusan guru IPS. Dua tahun sudah kawa jadi guru hunur, banyak mawarnai sakulahan, bakumpul wan kepsek, wan guru-guru serta peserta didik lainnya. Karana Palui ne ranjakan, suka bakawan , kada mamilih kawan, suka humur, bisa bagaul wan peserta didik atau murid. Lakas haja diprumusikan ulih kepsek jadi wali kelas.

“Murid wayah ini lain kaya murid zaman bahari Bus ai?” ujar Palui ka Garbus paman sakulahan.

“Inya napa Lui maksud ikam lain pada murid bahari?” takun Garbus .

“Maklum zaman barubah sudah,dahulu kadada baisian hapi, iya kalu Lui?” sahut Tulamak.

“Murid dahulu halus-halus, wayah ini murid kelas 3 SMP ganal-ganal, karana makannya bargizi nang cukup, wan ada nang bapatuk habang bibirnya sudah?” ucap Palui.

“Jadi kaya apa ikam mahadapinya Lui?” takun Tulamak.

‘Rasa bagarak ai bahanu ampunku nang di bawah? Maklum tahadapi murid nang bapatuk habang, rasa lain jua Bus ai, Mak ai,” Palui lihum baagak.

Tahabar di sakulahan di kalangan guru, Palui rami banar wan muridnya saurang inya wali kelas 9, muridnya babarapa ikung nang ganal-ganal wan bapatuk habang maklum pang babarapa murid di sakulahannya ada nang sudah jadi mudel fashion show tingkat kabupaten, bahanu baselpi-selpi Palui wan murid, bahanu mambawai makanan minuman ka murid nang bapatuk habang itu. Habis bulikan wani bajalanan wan murid jadi rami banar Palui wayah ne.

”Kita rapat buhan guru lah?” ujar kepsek ka guru-guru.

“Lakas haja Pak ai, kita maambil kaputusan sabalum kajadian nang manyupanakan kena?” ucap ibu Erni Qamariah.

Halaman
12
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help