Si Palui: Mambuka Laundri

Malihat bini pina taranai di rumah handak Palui maulahakan usaha nang tanyaman kada ngalih tapi datang urang maantari duit.

Si Palui: Mambuka Laundri
Bpost/Riza
Ilustrasi Palui 

MALIHAT bini pina taranai di rumah handak Palui maulahakan usaha nang tanyaman kada ngalih tapi datang urang maantari duit. Ada sadikit tabungan dari hasil tunjangan sertifikasi sebagai guru honor di sakulahan.”Aku umanya ai handak mambuka usaha laundri, mancariakan usaha gasan ikam,” ujar Palui ka bini.

“Akur abahnya ai, itu gawian binian katuju haja ulun, kena kita mancari karyawati saikung supaya jangan kawalahan,” sahut bininya.

“Ayuja itu urusan ikam mancari karyawatinya, pukuknya aku mancariakan alat-alatnya, hadang haja paling lambat samingguan ne kita kawa sudah mambuka usaha laundri, tampulu balum banyak lagi di kota kita ini usaha laundri,”Palui pina himung karana didukung jua ulih bininya.

Tapasang plang laundri Palui di muka rumahnya, jadi Palui umpat jua manggawiakan batatapas bila pas banyak jurungan urang ka laundrinya. Palui ne jam 10 lewat sadikit bulik ka rumah, mata palajaran ulahraga, jarang banar ada jam 11, paling landung jam 10 sudah tuntungan kagiatan murid ulah tubuh. Karana marasa sudah tuntung mangajar, jadi habis dalam hatinya kewajiban di sakulahan.

Rahatan umpat batatapas bapacul baju Palui asa humab awaknya bapaluhan, ditelpon ulih kapala sakulah (kepsek). ”Oi Lui lakasi ikam datang ka sakulahan, ada tim sidak (inspeksi mendadak) pangawas wan buhan dinas datang ka sakulahan, lakasi ikam datanglah?” sambat kepsek via hapi ka Palui.

“Ulun lagi rahatan bapacul baju Pak ai? Hadang dahulu nah handak babaju,” sahut Palui pina ringan haja.

”Umai Lui napa bagawi siang-siang kaya ne wan binikah?” sahut sidin pina banyaring.

“Hadang dahulu Pak ai, satumat lagi manuntungakan,” sahut Palui pula.

“Lakasi Lui lah, ne tim sidak buhan atasan kita datang sudah ka sakulahan,” kepsek habang muha sidin muar ka Palui.

“Assalamualaikum Lui?” salam pangawas sakulah.

Halaman
12
Editor: BPost Online
Ikuti kami di
KOMENTAR

BERITA TERKINI

TRIBUNnews.com Network © 2018
About Us
Help