Si Palui: Mambuka Laundri

Malihat bini pina taranai di rumah handak Palui maulahakan usaha nang tanyaman kada ngalih tapi datang urang maantari duit.

Si Palui: Mambuka Laundri
Bpost/Riza
Ilustrasi Palui 

“Waalaikum salam, Pak?” ucap Palui.

“Napa Lui bagawi apa ikam, bulik baisukan lagi, asyik wan umanyakah baduaan?” rawa pangawas sakulah HThalib sidak ka sakulahan Palui, sedangkan kasi kurikulum malihati guru lainnya jua.

“Ulun Pak ai, mandangani bini batatapas, wayah ne mambuka usaha laundri, kawalahan bini banyak nang maupahakan batatapas ka usaha laundri ulun? Jadi kasihan bini kalu kada dibantu , jadi pang bagawian sambil kada babaju,” jawab Palui apa adanya.

“Ikam Lui lah, dari lapuran nang kuterima rancak bulik sungsung, kasihan guru honor lainnya , guru nang kada dapat tunjangan sertifikasi inya bulik sampai jam 2 hanyar umpat bulik jua baimbai wan murid. Ikam ne mulai hari ini kucabut tunjangan sertifikasi Lui ai?” ucap sidin habang muha kasarikan.

“Han tahu rasa Lui ai ikam? Kada dapat lagi duit Rp 1,5 juta tunjangan sertifikasi tiap bulan, rasakan jua sakit,’ Garbus paman sakulahan umpat bapander.

“Nah iya pang Bus ai, makalahan am handak sugih, kada jadi sakalinya? Nasib-nasib ya?” Palui mamicik tangan ka kapala, pusing nah. (aan maulana/anggota Dewan Kesenian HSS)

Editor: BPost Online
Ikuti kami di
KOMENTAR

BERITA TERKINI

berita POPULER

TRIBUNnews.com Network © 2018
About Us
Help