BanjarmasinPost/

Si Palui: Mangucup Haliling

Aku manjualnya ka buhan guru, bisa kakawalan ikam di sakulahan jua Lui ai? Ibunya bakacamata, mun kada salah ngaran ibu Nana, urang Jambu Pisangan

Si Palui: Mangucup Haliling
BPost Cetak
Ilustrasi palui 

DI daerah hulu sungai ada kuliner nang langka, tapi ada haja urang nang mandapatakannya, apalagi bila musim hujan banyak haliling di pahumaan.

”Julak Satar kah, baapa pian balicak-licak di pahumaan, bakacal apa?” takun Palui ka Julak Satar nang asik bakacal di pahumaan.

“Aku kah bakacal haliling nah, gasan umpan itik wan gasan dimakan jua ai” sahut Julak.

“Ka mana pian manjualnya?” takun pulang Palui.

“Aku manjualnya ka buhan guru, bisa kakawalan ikam di sakulahan jua Lui ai? Ibunya bakacamata, mun kada salah ngaran ibu Nana, urang Jambu Pisangan ya?” Julak manarangakan.

“Bah iya pang, pas banar Julak ai, nitu kawal sasakulahan ulun, sidin kapala parpustakaan,” sahut Palui.

Kaisukan harinya ibu Nani mambawa haliling sakilo gasan buhan guru basalamatan ada nang naik pangkat bulan Maret ne.”Buhan ibu lah, ulun mambawa haliling gasan kita bamasakan hari ne?” ujar ibu Nani ka buhan guru di sakulahan.

“Mana halilingnya, kita masaki basantan haja, nyaman kena mangucup haliling, ujar ibu Fatma nang balu satu anak nitu wan muha-muhanya mamparagakan bakucup haliling.

Sakira jam 12 pas istirahat kadua masak sudah gangan haliling, datangan guru-guru nang mangajar di kalas, kaya nitu jua si Palui, Garbus paman sakulahan wan kapala sakulahnya.”Pas haratannya lapar nah, makan siang nyaman banar gangan haliling?” ujar kepsek ka buhan guru.

“Ulun Pak ai, salawas di Rantau 16 tahun jadi guru kada parnah kulinernya mangucup haliling ya? Sudah ka sini ehmm… nyaman banar nah, bakucup haliling,” Palui tapaluh.

Halaman
12
Editor: BPost Online
Ikuti kami di
KOMENTAR

berita POPULER

TRIBUNnews.com Network © 2017
About Us
Help