Si Palui: Kapala Dua Ikung

Siapa nang kada masuk? rawa bini kepsek ka buhan guru lainnya. Bini kepsek ne sudah lawas jadi guru matematika di sakulahan Palui.

Si Palui: Kapala Dua Ikung
BPost Cetak
Ilustrasi palui 

SALAWAS kapala hanyar ne rami di sakulahan Palui karana sidin bartugas dua laki bini di sakulahan nang sama.

”Hari ne Lui ai kepsek kada turun ka sakulahan, rapat di kabupaten masalah UNBK,” ujar Garbus, paman sakulahan ka Palui.

“Asa tanyaman bila kepsek kada turun,” sahut Palui lihum.

Pas jam palajaran katiga Palui bulik ka rumah. Sakit parut jadi handak buang hajat ka rumah haja, di sakulahan asa kada tahajan,” ujar Palui dalam hati.

Karana bulik ka rumah kada bapadah Palui ne jadi kadada nang mamasukiakan tugasnya mangajar jam katiga di kalas 7C. Napa kakanakan bakaliaran banar kalas 7C kadada gurunya.

”Siapa nang kada masuk?” rawa bini kepsek ka buhan guru lainnya. Bini kepsek ne sudah lawas jadi guru matematika di sakulahan Palui.

“Kada bapadah bu ai, kamana si Paluinya jadi kada tahu,” jawab Pak Ilham guru IPA.

Sudah jam kaampat datang Paluinya, tapi disambang ulih bini kepsek di kalas 7C. ”Kamana Lui ikam maninggalakan ka murid jadi kada masuk. Ne nah kakanakan bakaliaran banar kadada gurunya. Kalau apa-apa siapa nang batanggungjawab, pak kepsek kadada,” sangit bini kepsek ka Palui, pucat muha Palui sakalinya.

“Minta maaf bu lah, ulun tadi kasakitan parut, jadi baastilah buang hajat ka rumah,” sahut Palui gamat.

“Dasar jua, guru apa ikam ne Lui,” bini kepsek masih sangit ka Palui.

Halaman
12
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help