BanjarmasinPost/

Si Palui: Warung Bajalan

palui ne urangnya dasar kreatif, ampih bajualan basapida mutur nang saraba masak, karana kada tahan kahujanan kapanasan awak garing,

Si Palui: Warung Bajalan
BPost Cetak
Ilustrasi palui 

PALUI ne urangnya dasar kreatif, ampih bajualan basapida mutur nang saraba masak, karana kada tahan kahujanan kapanasan awak garing, jadi ampih bajualan saraba masak basapida mutur. Limbah nitu bajualan di pusat kuliner mambuka warung makan saminggu sabulan sampai parak dua bulan kada kawa dirasaakan. Ujar urang bahari kada kawa dirasakan marandam hidung, lamas, mati am.

”Oi umanya aku asa handak bamandak haja bawarung di pusat kuliner ne?” Palui baucap ka bini.

“Inya napa abahnya,” sahut bininya prihatin.

“Asa kada tahan lagi umanya ai aku nah, kita marandam hidung, lamas akhirnya, kawa guring di warung, urang nang baulanja kawa dihitung, bamasak lima litar, nang habis dua litar haja, iwak panas mamanasi, iya kada?” Palui marista banar.

“Apalagi di muka pusat kuliner ne cagar dibangun warung kuliner jua, makanya ai kita kada cagar bapayuan lagi?” ucap nang bini, “jadi pian bausaha apa pulang?”

“Akukah handak manyewa mutur trak Paman Ibur, ampun sidin kada tapakai jua, inya, angkutan tanah wan angkutan barang lainnya pas takana sunyi,” sahut Palui.

“Ulun akur banar abahnya ai,” nang bini asa himung sambil batakun, “Kaya apa warung kita ne?”

“Ya baampih sampai tanggal 19 ne, kita tutup haja,” Palui kancang handak ampih bawarung di pusat kuliner nitu.

Palui datang mahadap ka Paman Ibur, handak manyewa mutur trak sidin. ”Ulun paman ai handak manyewa mutur trak pian gasan bawarung bajalan, bajual nang saraba masak, jadi baknya ulun benahi, ada rak piringnya, lamari kaca gasan iwak, wan lainnya di bak mutur trak ne?” ucap Palui lantih.

“Ayuha aku akur banar barapakah sabulan mambari aku tasarah haja?” sahut sidin mambari harapan.

Halaman
12
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help