BanjarmasinPost/

Si Palui: Bajual Nasi

Kaya apa Lui tatap haja kalu, jadi guru honor maski gajihnya kada dibayar lagi. Aku kada hingkat jua manalangi Lui ai, maklum

Si Palui: Bajual Nasi
BPost Cetak
Ilustrasi palui 

DAMINI Palui jadi guru honor bujur-bujur diuji, sudah tiga bulan ne gajih guru honor tasandat-sandat wan jadi pusat pambaritaan wartawan di banua ne. ”Kaya apa Lui ikam sanggup hajakah jadi guru honor, gajih kada karuan, turun maka am hari-hari kaya guru nagari jua,” sambat Garbus paman sakulahan.

“Kaya apa Lui tatap haja kalu, jadi guru honor maski gajihnya kada dibayar lagi. Aku kada hingkat jua manalangi Lui ai, maklum banyak kapala nang kuungkusi, anak lima ikung kadada nang bagawinya jua…,” ujar kepsek bagaru kapala.

“Ulun sabar haja pak ai, handak minta ijin ka pian, handak bajual nasi bungkus di sakulahan ne. Kaya apa akur haja kalu pian?” tawar Palui.

“Akur Lui ai, kena bila buhan guru mancari nasi bungkus, kusuruh batampah ka ikam atau muridkah, iya kalu Lui,” sahut sidin satuju.

“Bagus pak ai ide Palui nitu parlu kita dukung ya,” ucap Garbus.

Akhirnya kaisukan harinya Palui tiap baisukan mambawa nasi bungkus babakul purun, tampahan guru-guru di sakulahan sakitar 20-30 bungkus, tamasuk buhan karyawan Tata Usaha wan paman sakulahan si Garbus batampah jua.

”Barapa nasi ikam sabungkus Lui?” takun kepsek.

“Lima ribu sabungkus pak ai, langsung dari puhunnya pang, jika ka pambalantikan atau pian manukar di warung enam ribu sabungkus,” ujar Palui lihum.

“Akur Lui ai, aku bawa akan haja tiap hari lah, manukariakan daripada di warung enam ribu ya kada?” sahut sidin suka jua wan nasi bungkus Palui.

Makin hari batambah haja nasi bungkus Palui ne, apalagi buhan murid umpat jua batampah, jadi pang sarat muatan Palui bila baisukan salajur ka sakulahan.

Halaman
123
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help