BanjarmasinPost/

Si Palui: Gaptek

Aku dasar pambabal pambakal ai, balajar kada mau sakali, pasti ampat atau lima kali hanyar bisa, itu pun bisa kada ingat lagi,” sahut Palui.

Si Palui: Gaptek
BPost Cetak
Ilustrasi palui 

AKIBAT gagap teknulugi alias gaptek, Palui salaku kaur pamarintahan wan pambakal dikumplin warga masyarakat nang baurusan di kantur desa. Buhan masyarakat curhat mamasukakan ka koran via sms.

“Kaya apa palayanan di desa Palui ne kada beres, bila urusan maulahakan apa haja surat-surat panting nang manggunakan kumputer pasti mahadang Samping Desa?” ujar warga baadu-adu di koran nang dibaca urang banyak. Palui wan pambakal tadiam haja mambaca sms curhat nitu.

“Iya sudah ne, siap-siap haja Lui ai, ikam diampihi camat wan aku jua harus siap jua bila dicopot jabatan pambakal?” ujar pambakal ka Palui.

“Napa pian kada mau bisa jua pambakal manggunakan kumputer?” takun Palui.

“Akukah inya sudah tuha ne, mata kada tapi hawas lagi manjanaki huruf-huruf,” sahut pambakal.

“Ikam pang Lui apa jua kada mau bisa kumputer?” takun pambakal pula.

“Aku dasar pambabal pambakal ai, balajar kada mau sakali, pasti ampat atau lima kali hanyar bisa, itu pun bisa kada ingat lagi,” sahut Palui.

Asik bapanderan datang sekcam ka kantur desa. Takajut Palui wan pambakal. “Assalamualaikum,” ujar sekcam.

“Waalaikum salam,” sahut pambakal pina pucat muha sidin, kaya itu jua Palui pucat muhanya.

“Matan isuklah pambakal wan Palui wan saluruh aparat desa lainnya umpat palatihan kumputer, ne sudah nang kadua kalinya, jangan sampai ada lagi nang mangaluh wan palayanan di desa pian ne,” sekcam maingatakan tapi manciling mata sidin. Balajar! Balajar! ujar sidin habang muha.

Halaman
12
Editor: BPost Online
Ikuti kami di
KOMENTAR

berita POPULER

TRIBUNnews.com Network © 2017
About Us
Help