Si Palui: Tambal Panci

”Bamandak Lui, nah buritnya baluang minta tambalakan , ngalih kena gasan bamasak mun buritnya buntus?” rawa Garbus mamandak ka Palui.

Si Palui: Tambal Panci
Bpost/Riza
Ilustrasi Palui

MACAM-macam Palui usaha sudah, handak kaya urang jadi pagawai kanturan kada kawa, pandidikan hanya tamat SD haja, pasti kada diterima bagawi di kantur. Mangatik kumputer kada bisa, mun maangkat kumputer, mambawa kamana haja bisa.

”Aku kada mahiri urang nang pintar jua pang umanya ai, urang pintar bisa mangatik kumputer mamprin atau mandunlud, iya kalu?” Palui bakesah keluh kesah ka bini.

“Iya am lagi bahari haratan kuitan baduit ampih sakulah, jadi pang tamat SD baumuran,” sahut nang bini kesal.

“Panyasalan sudah kada baguna lagi umanya ai, nang jalas dihadapan kita ne ai, kaya apa caranya supaya dapur tatap bakukus, damintu umanya ai?” ijar Palui.

“Kalu kaya nitu apa usaha pian?” takun bininya.

“Aku handak batambal burit haja usahanya?” Palui lihum.

“Jangan kaya nitu abahnya ai, lanji banar pian nah?” nang bini sarik.

“Maksudku batambal burit panci, kena aku mulai isuk masuk kampung kaluar kampung, bajual jasa batambal burit panci nang buntus-buntus umanya ai?” Palui sambil manyiapkan segala sesuatunya gasan usaha batambal burit panci.

Basapida mutur Palui mambawa seng, lem perekat, kompor,wan peralatan lainnya gasan batambal burit panci, karana basapida mutur jadi kawa jauh jalannya, kada saputar-putar di kampung saurang haja.

”Bamandak Lui, nah buritnya baluang minta tambalakan , ngalih kena gasan bamasak mun buritnya buntus?” rawa Garbus mamandak ka Palui.

Halaman
123
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help