BanjarmasinPost/

Si Palui: Bajual Iwak

“Akukah handak bajual iwak peda ka gunung, manukar iwaknya subuh di pasar,” jawab Palui.

Si Palui: Bajual Iwak
Bpost/Riza
Ilustrasi Palui 

HANDAK jua damini si Palui badagang iwak ampah ka gunung wan babarapa buting pati iwak di sapida muturnya.”Baulah pati handak mambuat sarang kelulutkah Lui? Malihat sarang kelulut Julak Yani bahasil banar ya?” takun Garbus.

“Aku sudah ada sarang kelulut, kada bahasil, mungkin kada rajakinya di situ,” sahut Palui.

“Lalu pang ikam baulah pati napa?” takun Tulamak panasaran, karana Tulamak ne kabisaannya hanya jaga parkir di pasar haja.

“Akukah handak bajual iwak peda ka gunung, manukar iwaknya subuh di pasar,” jawab Palui.

Tuntung sudah Palui baulah tiga pati atau ujar urang bak iwak nitu. Bapadah inya ka Abah Inur nang bajual partai alias dalam jumlah banyak iwak peda atau iwak laut lainnya.”Abah Inur malam ne jam barapa datang di pasar, aku handak manukar iwak peda tiga pati?” takun Palui.

“Jam tiga datangi ja ka pasar iwak, aku datang sudah, jadi kutinggal 30 kilo iwak peda,” sahut Abah Inur.

“Barapa sakilonya?” takun Palui.

“Ini pas wayah murah 25 ribu , anam ikung sakilonya, kaya apa akurkah?” ujar Abah Inur.

Sampai jam tiga dini hari datang Palui ka pasar iwak handak batimbang iwak peda nang masih segar hanyar datang di Banjar Raya sana.”Nah Lui 30 kilo, jadi 10 kilo sabuting pati ikam kubuat,” saran Abah Inur.

“Aku jual samuaan,mudahan laris,” Abah Inur lihum.

Ka rumah dahulu Palui bulik satumat sambil bapromosi kalu ada nang handak ibu-ibu wan iwak pedanya. Bini Garbus merawa.”Umpat manukar Lui, saparampat haja kawa lah?”

Halaman
12
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help