BanjarmasinPost/

Si Palui: Banaik Nyiur

“Iya ialah Bus ai, tahan ulanja gasan anak bini dua hari di Banjar bila banaik nyiur ne,”sahut Palui asa himung.

Si Palui: Banaik Nyiur
Bpost/Riza
Ilustrasi Palui 

PANINGGALAN aruah abah Palui baisi pulau nyiur 17 borongan di hulu sungai. Palui dua bulan sakali bulik malihati nyiur kalu banyak tuhaan.

“Banaik nyiurkah Lui ikam jadi bulik ka hulu sungai naya?” takun Garbus.

“Iya ialah Bus ai, tahan ulanja gasan anak bini dua hari di Banjar bila banaik nyiur ne,”sahut Palui asa himung.

“Nyiur banaikkah Lui?” takun Tulamak.

“Aku asa dibunguli urang haja, ujar panaikan banaik nyiur, tapi harganya turun tarus manukari. Asalnya 2 ribu sabigi, turun jadi 1750 sabigi, wayah ne jarnya 1500 haja pula,” sahut Palui.

“Maka jar panaikan tadibanaik nyiur, kaya nitukah Lui?” Tulamak lihum.

“Iya sudah Lui ai, di hulu sungai naya bisa jua parmainan harga bahanu dihampasnya, bahanu dinaikakannya?” tambah Garbus.

“Kaya apa ikam ja Mak ai nang manaikinya, bisakah?” takun Palui ka Tulamak.

“Aku barat awak , kada hingkat banaikan nyiur, bayanya am mantabuk gugur sing nyaringan, jiun, aku,” Tulamak manyarah.

“Ayuha aku ka panaikan nyiur haja, kasihan jua ikam, ini pasti kena banaik nyiur jarnya ka aku. Tapi inya manjawab harga turun, iya sudah,” Palui gagarunum.

Halaman
12
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help