BanjarmasinPost/

Si Palui: Supir Taksi

“Sual saturan jangan dipikirakan nang panting kawa dahulu baulah SIM,” ujar sidin mantap.

Si Palui: Supir Taksi
Bpost/Riza
Ilustrasi Palui

BASYUKUR banar Palui ada kabisaan bahari umpat kursus manyupir di Sanggar Kegiatan Belajar (SKB) hulu sungai dibawai Pak H Abduh, jadi pang ada kabisaan manyupir. Kebetulan paman H Bahrun, mamamrina bini Palui baisian barapa buah mutur taksi L-300, jurusan hulu sungai-Banjar.

”Aku handak bapadah manyupir ka paman H Bahrun umanyalah kaya apa?” Palui ka bini.

“Bagus ai, kira-kira hakun haja sidin, apalagi malihat pian kada karuan usaha naya?” sahut bininya asa himung tabuka Palui handak jadi supir.

Datang kamarian Palui dua laki bini ka rumah paman H Bahrun nitu.”Aku Lui ai, tapi ikam adalah baisi SIM manyupir gasan jadi supir taksi?” takun sidin.

“Baluman baisi paman ai, maklum gawian manureh haja, hanyar harga gatah kandur naya,” sahut Palui.

“Aku akur haja ikam manyupir Lui ai, isuk ikam baulah SIM ka kantur pulisi, ada ai kalu bini Palui ikam baduit?” takun paman ka bini Palui.

“Ada haja paman ai duitnya, nang jalas pian hakun kalu mainjami laki ulun mutur cult, manyatur kaya supir lain jua,” ujar nang bini bisa bapander.

“Sual saturan jangan dipikirakan nang panting kawa dahulu baulah SIM,” ujar sidin mantap.

Datang ka kantur pulisi isuknya Palui, handak baulah SIM, sakalinya wayah ne wajib tes manyupir baik tes tertulis manjawab sual-sual maupun langsung praktek manyupir dengan berbagai haling rintangnya.

”Kaya apa am pak, kada mau lulus haja sudah barapa kali turun ulun ne?” Palui mangaluh.

Halaman
123
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help