Si Palui: Badagang Sahur

“Napa Lui, pina taungut mangganang tunjangan hari rayakah?” takun Garbus.

Si Palui: Badagang Sahur
Bpost/Riza
Ilustrasi Palui

“Kawa haja dibawa bawarung makan,” jawab bininya.

“Pas haja umanya ai, aku rencana badagang sahur, biar masak habang haja iwak haruan, ayam wan hintalu, nitu ja dahulu,” ujar Palui mambawai bini.

“Pabila kita buka, malam inikah?” takun bininya pula.

“Bila ikam siap, akur banar, kita buka malam ini jua,” jawab Palui tagas.

Barakat cangkal, akhirnya Palui dua laki bini kawa buka warung badagang gasan urang makan sahur. Pamulaan buka banyak nang mahurung, habis sagantang baras.”Umai Lui, nyaman masakan bini ikam, murah ja pula harganya, malam isuklah kami batampah lagi?” ujar Garbus.

“Tarima kasih buhannyalah, atas kasadiaan manukari warung kami makan basahur,” sahut Palui, lihum bininya.

Badagang sahur nang kadua, Palui digaraki buhannya, karana sampai jam satangah lima kada jua lagi bangun.”Bangun Lui, bangun bini Palui, kami handak makan sahur?” gandah Tulamak.

“Ehh…siapa?Makan sahur… astagfirullah, satangah lima sudah, urang bagarakan salat subuh, umanya ai,” Palui mamasut ka mata.

“Nah iya pang abahnya ai, kita kalandungan badagang sahur, kita dua laki bini balum jua basahur, 10 menit lagi imsak, iya am?” bini Palui tauling kapala.

“Malam tadi malihat main bula di tivi, habis main bula jua kita di kamar, kauyuhan, kada ingat lagi badagang sahur. Han jarku apa ya?” Palui gagarunum saurangan. Kada jadi kulihan duit, kada sampat lagi buka badagang sahur. (aan maulana/anggota dewan kesenian HSS)

Editor: BPost Online
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved