Si Palui: Sasain Maju

“Lakasi Lui, manyalawat segera salat tarawih,” ujar imam salat tarawih, Guru Ahram.

Si Palui: Sasain Maju
Bpost/Riza
Ilustrasi Palui 

INI kesah tacicir matan bulan puasa tadi, barhubung ada kawal kita umpat baturai kesah jadi pang tagalang alias sampat tatunda tayangnya.

Kaya ne kesahnya nah. Habis salat Isya di langgar kampung Palui , banyak urang nang kaluaran pada langgar, baik nitu kakanakan, nang anum maupun nang tuha. Taungut Palui dasar taungut inya. “Inya napa Lui taungut mamikirakan hari rayakah balum baisi baju hanyar lagi?” rawa Garbus.

“Lakasi Lui, manyalawat segera salat tarawih,” ujar imam salat tarawih, Guru Ahram.

Lakas Palui manyalawat mamanggil urang-urang supaya umpat salat tarawih , tapi nang hadir kada sampai satu saf salat tarawih malam ka-17 bulan puasa naya. ”Kaya apa Lui sadikitnya urangnya nang umpat salat tarawih kamana?” takun Garbus.

“Ayuha buhannya ai, lanjut haja kita salat tarawih , kita ya tatap salat, biar haja urang kada hadir lagi tarawih?” sahut Guru Ahram sambil baistigfar kemudian maangkat takbir salat tarawih.

Tuntung salat tarawih wan tuntung jua tadarusan Alquran. Bapanderan buhan Palui, Garbus wan Guru Ahram.

“Dasar bujur guru lah, ada 3 babak dalam bulan puasa naya?” ujar Palui.

“Apa haja nitu Lui?” takun Garbus jua.

“Sambat haja Lui ai,” sahut Guru Ahram.

“Babak partama hidup 1-10 Ramadan nitu tamasuk babak panyisihan banyak urang nang tarawihan, babak kadua atau babak semifinal makin bakurang nang salat tarawih, safnya sasain maju kaya malam ne tadi nah kalihatan sasain maju safnya,” ujar Palui.

“Imbah nitu babak katiga apa Lui?” Garbus panasaran.

“Sapuluh hari terakhir atau babak final 20-30 Ramadan , urang-urang nang bujur –bujur pilihan haja lagi nang kawa salat tarawih, tadarusan, salat malam mangarjakannya, karana urang nitulah nang unggul sabagai pamanangnya, iyakah guru?” Palui asa himung karana kawa inya mambawa kesah kaya ustadz nang baceramah jua waktu kultum di masjid raya.

“Bujur nah jar ikam nitu Lui ai,” sahut Guru Ahram mantap.Tapi sabuting haja pang buhannyalah, kita doakan haja warga kita nang sabalumnya hakun salat tarawih wayah ne kada turun lagi, kita doakan mudahan inya tabuka kambali hatinya mangarjakan salat tarawihnya,” papadah Guru Ahram bijak. Karana salat tarawih ini sangat istimewa banar , di bulan lain kadada salat tarawih ya, cuba akan di bulan lain salat tarawih tatawaan urang malihatnya, iyakah? Guru tatawa habis tatawaan Palui wan Garbus jua. Iya haja sudah nah? Mudahan kita batamuan pula wan bulan puasa di tahun mandating, amien. (aan maulana/anggota dewan kesenian HSS)

Editor: BPost Online
Ikuti kami di
KOMENTAR

BERITA TERKINI

berita POPULER

TRIBUNnews.com Network © 2018
About Us
Help