BanjarmasinPost/

Si Palui: Sakit Gigi

“Habis 170 ribu buhannya ai, habis hujungan bajual nyiur baparut,” jawab Palui pina asa kahilangan duit marga baubat.

Si Palui: Sakit Gigi
Bpost/Riza
Ilustrasi Palui

MACAM-macam sudah panyakit diandaki Tuhan karana marasa sasain satahun samakin betuha haja umur. ”Napa Lui lawas kada behurun ka pangkalan ujek?” rawa Garbus.

“Aku tiga hari kada kawa bejalan, karana asam urat jar mantri Amni,” sahut Palui.

“Imbah nitu pang kaya apa?” takun Tulamak jua.

“Dibarinya ubat 2 macam tapi tatap ai kada ampih, sudah nitu aku baubat ka duktur, sakalinya sakali minum sakaligus ampat bigi, karasaan ada parubahan,” ucap Palui asa himung.

“Barapa habis duit Lui baubat ka duktur,” takun pula Garbus.

“Habis 170 ribu buhannya ai, habis hujungan bajual nyiur baparut,” jawab Palui pina asa kahilangan duit marga baubat.

“Kaya nitu pang Lui ai, tuhuk-tuhuk sehat garing. Habis duit gasan baubat, nitu pang sudah sunatullahnya,” Tulamak pintar mamadahi Palui.

“Makanya awak sehat numur satu, jangan kuler bausahaa wan baibadat kita ne,” saran Palui.

Sampat babarapa hari sehat sakalinya sakit gigi pulang si Palui. Babarapa hari maarit kada sing warasan.”Kambuh pulangkah Lui asam uratnya, jadi takuringis ikam?” rawa Garbus waktu Palui duduk diambin rumahnya.

“Kada asam urat pang Bus ai, nitu ampih sudah, tapi aku sakit gigi banar nah, rinyut-rinyut gigi pahujungan gusi, kada malihat mun kada baciramin, diguyang sadikit sakit banar giginya, mungkin gusinya kalu bananahan,” ujar Palui masih takuringis.

Halaman
12
Editor: BPost Online
Ikuti kami di
KOMENTAR

berita POPULER

TRIBUNnews.com Network © 2017
About Us
Help