Si Palui: Kulam Iwak

“Bujur pambakal ai, kita ulah kulam iwak haja, napa tahun ne rugi bahuma, kana hama wereng,” sahut Palui asa himung.

Si Palui: Kulam Iwak
Bpost/Riza
Ilustrasi Palui

“Kacuap nitu nah nang kadada haraganya?” ujar Palui manyirit ka bini nang bagincu habang.

Sampai 4 bulan labih diharagu ganalan iwak mas wan iwak nila Palui. Kanapakah tabiat manusia ne, ada nang jahat, mandangar Palui handak panen iwak isuk baisukan ada haja nang mambarimakan wan putas sahingga matian iwaknya hampir barataan, bangkakakan alias timbulan inya.

”Oh abahnya napa iwak timbulan naya?” nang bini galu banar mahingal inya mambawa habar ka laki.

“Astaghfirullah, berarti matiankah umanya?” Palui takijat kada sakira. Ayuha umanya ai, bararti kadada rajaki kita baiwak naya? Palui tauling kapala malihat iwaknya matian.

Nah, han jarku , kada nyaman-nyaman bausaha baulah kulam iwak ada nang hiri dengki Lui ai? Ayuha besabar Lui lah..bahuma kana hama wereng, bakulam iwak kana putas, iya haja sudah. Asal jangan mati bagantung di bawah puhun terong haja.

Bulikan dua laki bini ka rumah, Palui takurasam muha, nang bini kecewa berat jua.

”Napa Bah, Ma, kadada mambawa iwak lagi datang di kulam ya?’ takun anaknya.

“Iwak abah matian Mat ai?’ Palui masam haja muhanya.

“Ayuja Bah ai, kada rajaki kita saparanakan, mudahan Allah ta’ala mambalas kebaikan kita maharagu iwak sampai inya ganalan, jadi amal saleh abah wan mama ya…,” hibur Amat manyabari mama abahnya.

“Astaghfirullah, Mat lah, abah lambat mengambalikan, siapa nang manghandaki cubaan ini, kalu kada kehendak Allah ta’ala? Ayuja abah mama terima haja cubaan naya?” Palui mamusut-musut ka awak anaknya. (aan maulana/anggota dewan kesenian HSS)

Editor: BPost Online
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved