BanjarmasinPost/

Si Palui: Jangan Diarit

PARAK sudah Iduladha atawa jar urang hari raya haji atawa hari raya kurban. Paman Palui nang bagana di Banjarmasin datang wan bini anum sidin.

Si Palui: Jangan Diarit
BPost Cetak
Ilustrasi palui 

PARAK sudah Iduladha atawa jar urang hari raya haji atawa hari raya kurban. Paman Palui nang bagana di Banjarmasin datang wan bini anum sidin. ”Tet… tet… “ mutur hanyar warna putih langsung masuk ka halaman rumah Palui.

“Siapa umanya, mutur hanyar sing baikan masuk ka halaman kita?” takun Palui ka bini.

“Oh Paman Ismet abahnya ai,” sahut bini Palui.

“Bah dalam hatiku siapakah,” Palui.

Turun pada mutur nitu Paman Ismet wan bini sidin. ”Alhamdulillah Paman Ismet datang wan mutur hanyar,” ujar Palui sambil manyalami sidin.

‘Alhamdulillah Lui ai, kawa manukar mutur hanyar. Barakat doa ikam jua, tanahku payu di Pal 4 nitu. Urang handak mambangun ruko,” ujar sidin himung.

“Han jar ulun salawas ba bini anum ne, pina kaya disurung-surung tarus razaki,” ambung Palui.

“Ya kaya nitulah Lui ai, kahandak saurang, tatarusan lancar urusan,” sahut Paman Ismet lihum jua bini anum sidin.

Paman Ismet ne kamatian bini sakitar satahunan sudah. Daripada hidup saurangan, duit banyak baik sidin ba bini anum. Banyak haja nang hakun, wan umur kada tuha banar jua lagi, hanyar 55 tahun. Jaka PNS balum pangsiun lagi. Jadi anak sidin nang bangaran Amun mancariakan bini. Tadapat guru senam aerobik, makanya bagus banar awaknya. Mana langkar ramah pula ka kaluarga. Ka Palui wan ka bininya, bisa inya mambawa diri.

“Aku ne Lui lah handak ba bini anum kada baarit, handak mutur hanyar kada baarit. Ikam malihat ja kalu?” ucap Paman Ismet maagaki.

Halaman
12
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help