BanjarmasinPost/

Si Palui: Kurban Kambing

BIAR pandapatan kada banyak kaya urang, saparti buhan guru nang dapat tunjangan sertifikasi, Palui wan Garbus jadi abang

Si Palui: Kurban Kambing
BPost Cetak
Ilustrasi palui 

BIAR pandapatan kada banyak kaya urang, saparti buhan guru nang dapat tunjangan sertifikasi, Palui wan Garbus jadi abang bentor di kuta dudul Kandangan, sakalinya diam-diam kawa manabung 3 juta 6 ratus ribu. 10 ribu sahari badua kawa manyisihakan duit gasan ditabung. ”Duit ini Lui , kita tukarakan ka kambing haja, gasan kurban kambing, jadi kita badua saikung kambing,” sambat Garbus ka Palui.

“Akur banar aku Bus ai, handak jua kita bakurban kaya urang nang baduit, biarpun hanya saikung kambing,” sahut Palui asa himung.

Lakas tulakan Palui wan Garbus ka wadah urang nang bajual kambing gasan akikah wan kurban.

Lihat-malihati, tiring-maniring, akhirnya tarukui saikung kambing warna putih hirang, umurnya sampai dua tahun, kawa gasan kurban kambing hari raya Idul Adha tahun ne.

”Aku haja Bus lah, maharagunya, aku katuju kambing, bahari lagi SD aku baisian babarapa ikung bakambing,” ujar Palui.

‘Akur banar, apalagi di balakang rumah ikam Lui ai, luas haja tanahnya, rumputnya banyak,” sahut Garbus.

“Kamana mambawa kambing Lui, Bus?” rawa Tulamak.

“Kami cagar bakurban kambing Mak ai, tenang haja ikam, dapat haja kena dagingnya,” ujar Palui ka Tulamak.

Kada pikir panjang lagi Palui wan Garbus datangan mahadap tuan guru H Durauf minta pandapat sidin wan kena minta sumbalihakan sidin pula hari raya haji. ”Guru kami manukar kambing, duitnya basamaan badua, kawa manukar kambing haraganya 3,6 juta,” Palui mamulai pander ka sidin.

“Bagus Lui ai, siapa nang handak bakurban kambing ini, ikam kah atau Garbus kah?” takun sidin tagas.

Halaman
123
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help