BanjarmasinPost/

Si Palui: Manukar Tanah

“Dasar bujur tanahku Bus ai,aku manukar tanah kulihan manabung begawi jadi office boy kantur swasta,” sahut Palui sarius.

Si Palui: Manukar Tanah
Bpost/Riza
Ilustrasi Palui

SATAHAUN sudah si Palui begawi jadi office boy di kantur swasta, jadi pina kalihatan hasil kawa manukar tanah di Binjai 4 kuta dudul. Tanah ini milik si Palui, ada nang berminat hubungi numur hapi 08007.

”Bujurkah Lui tanah ini milik ikam sudah?” takun Garbus.

“Dasar bujur tanahku Bus ai,aku manukar tanah kulihan manabung begawi jadi office boy kantur swasta,” sahut Palui sarius.

“Kena kalau ada nang handak manukar tanah aku arahkan ka wadah ikam,” sahut Garbus via hapi. Paluinya di Kuta Banjarbaru inya begawi di sana.

“Aku tunggu Bus lah, kena bila payu larang, ada haja persenan gasan ikam Bus ai,” ucap Palui manjanjii Garbus. Takarinyum si Garbus.

Karana tanah di muka jalan, wan dibari numur hapi ampunnya, maka ada haja nang manilpun ka numur hapi Palui nitu. Ada Tulamak nang manilpun sakalinya.

”Lui tanah ada nang handak manukari , barapa ikam jual?’ info matan Tulamak via hapi.

“Aku kada kurang lagi pada 50 juta, bila handak duitnya kuntan, bila bahutang kada kawa am Mak ai,” Palui manyahut sarius. Ukurannya 250 meter parsegi, tagas Palui.

Tulamak kemudian bapander banar ka urang nang handak wan tanah Palui nitu. ”Oh Pakacil Abub, kalau dika handak manukari tanah Palui harganya jar kada kurang lagi pada 50 juta,” ujar Tulamak mamadahi ka Pakacil Abub.

“kada kurang lagikah Palui ne te?” ujar sidin.

Halaman
123
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help