BanjarmasinPost/

Si Palui: Serpis Kipas Angin

“Kalain jangan bapadah Mak lah? Nang rusak sekringnya,” Palui begamat manyambatnya.

Si Palui: Serpis Kipas Angin
Bpost/Riza
Ilustrasi Palui

SAMBIL belajar di Paket C bahari, Palui sampat jua dilajari buhan Pamong Balajar di Sanggar Kegiatan Belajar (SKB) Sungai Hulu Salatan serpis-manyarpis. Ada nang balajar serpis tv, radio, kulkas, tapi si Palui balajar serpis kipas angin haja, kanapakah

“Aku sahuarran haja balajar serpis kipas angin,” ujar Palui bapanderan ka Garbus.

“Pabila jua te Lui buka serpis kipas angin?” takun Garbus.

“Aku ne lagi asik baharaguan ayam ras, Bus ai?” sahut Palui bakulim.

“Ujar sudah panen, tapi rugi ditukari Pak H.Unan, iyakah?” tumpalak Garbus.

‘Sadang sudah Lui ai, buka serpis kipas angin, baayam ras rugi jua kalu,” ucap Tulamak manyaranakan banar ka Palui.

“Tunggu ja buhannya ai, 2 atau 3 hari kemudian aku buka ai tuku serpis kipas angin di rumah haja dahulu ya,” Palui asa suka jua inya.

Dasar 3 hari kawa buka serpis kipas angin si Palui maski hanya di rumah. Nang pamulaan mambawa adalah Tulamak kipas anginnya rusak kada bejalan lagi, padahal hanyar 2 bulan ditukar. ”Uh Lui, aku maantar kipas angin nah,” sambat Tulamak manyurung kipas angin ka Palui.

“Ayuha tinggal ja dahulu, kena kamarian ambil,” sahut Palui tagas.

Tuntung mambaiki Palui, dicuba kipas angin nitu, sabalumnya kada bejalan, taking, akhirnya hakun bejalan kipasnya, saparti samula, lihum bapair Palui, karana kawa baik manyarpis kipas angin Tulamak.

Halaman
123
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help