BanjarmasinPost/

Si Palui: Mancari Pamandian

Kaisukan harinya dikumpul urang kampung baik nang anum maupun nang tuha, terutama buhan lakian.

Si Palui: Mancari Pamandian
Bpost/Riza
Ilustrasi Palui 

RASA miris Palui parnah malihat urang mamandii mayat nang ada urang tuha haja berataan. Nitu gin batalu atau baampat haja jua karana sudah tuha jadi kaur sudah, handak maambil banyu nang jernih, sakalinya taambil banyu sabun, jadi baasa pula mamandii inya.

”Kasihan mayat kalawasan mandi, kadinginan inya?” Palui gagarunum saurangan.

Malihat kanyataan demikian, Guru H Durauf prihatin jua di kampung sidin saparti nitu.

”Aku Lui ai, handak mambari panyuluhan tatacara mamandii mayat wan buhan ikam kaya apa?” sidin malempar saran ka Palui.

“Akur guru ai,” jawab Palui.

Kaisukan harinya dikumpul urang kampung baik nang anum maupun nang tuha, terutama buhan lakian.

”Aku ne buhanyalah handak manggantiakan kadudukan buhan pamandian mayat nang sudah tuha-tuha, kasihan jua sidin, sudah dua puluh tahun labih jadi pamandian mayat,” guru H.Durauf menyatakan pandapat sidin.

“Ulun akur guru ai, jadi pamandian mayatlah kena?” ujar Garbus langsung manyahut.

“Ulun kada hakun am guru lah,” Tulamak manyahut indah inya.

“Pukunya hakun atau indah kita sama-sama umpat malihat cara-cara mamandii mayat,” sahut guru.

Halaman
12
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help