BanjarmasinPost/

Si Palui: Supir Ambulan

“Kawalah ikam manyupir ambulan mambawa janazah ka luar daerah manuju kuta apam?” pinta Junai.

Si Palui: Supir Ambulan
Bpost/Riza
Ilustrasi Palui 

LAWAS sudah Palui jadi kaum masjid Al Huda di kuta dudul, bahanu diparcaya buhan pangurus masjid jadi supir ambulan. Kebetulan dua minggu terakhir ne, rancak urang maninggal dunia nang disalatkan di masjid Al Huda.

”Lui aku rasa mariap dingin awak bakas malam tadi hanyar datang di Banjarbaru maantar janazah,” ujar supir ambulan nang bangaran Junai via hapi ka Palui.

“Apa te jadi manilpun aku?” takun Palui asa takajut.

“Kawalah ikam manyupir ambulan mambawa janazah ka luar daerah manuju kuta apam?” pinta Junai.

“Ayuha kawa Junai ai,” Palui maakuri.

Palui haratan istirahat jam 9 imbah babarasih masjid, segera inya mangaluarakan mutur ambulan pada garasinya.

”Handak ka mana Lui?” rawa Garbus.

“Aku handak mambawa janazah ya ka luar daerah, supirnya manyambat aku awak mariap dingin,” sahut Palui.

“Untunglah bisa manyupir, jadi kawa pahadangan manggantiakan supir nang aslinya,” sambat Tulamak.

“Alhamdulillah barakat bahari balajar jadi bisa manyupir,” ucap Palui lihum.

Halaman
12
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help