BanjarmasinPost/

Oh Sungaiku?

DILARANG mambuang ratik di sungai, karana sungai adalah milik kita sebarataan. Burrr..burrr… nyaman banar urang

Oh Sungaiku?
BPost Cetak
Ilustrasi palui 

DILARANG mambuang ratik di sungai, karana sungai adalah milik kita sebarataan. Burrr..burrr… nyaman banar urang manimbai ratik di atas jambatan, padahal ganal ada spanduk nitu di atas jambatan, tapi sayang spanduknya sudah kadada lagi tapasang. Entah apakah kada jua kah.

“Kada bulih makacil ai mambuang ratik di sungai!” rawa Palui ka urang nitu.

“Inya nyaman sudah Lui ai, beres aku, kada malihat lagi wan ratiknya,” ujar sidin kada merasa barsalah.

“Jaka pian bajalan sebentar haja ampah ka lampu habang nitu, disadiakan sudah tung sampahnya, gasan warga,” sahut Palui.

“Cah aku asa uyuh bajalan, baik ditimbai ha Lui ai, aku kada mandi di batang jua nah!” sidin sakali lagi kada marasa barsalah.

“Nang sakit parut makacil ai urang jua, kada pian, kada anak pian, kada sungai pian jua kalu? Sungai ne tung ratik nang panjang banar,” Palui lantih sakalinya.

“Ikam ne Lui pagawai Dinas Lingkungan Hidup kah? Jadi lantih banar ka aku nang sudah naya?” sidin habang muha dipadahi Palui.

“Napa Lui sidin bemamai ka ikam?” takun Garbus nang hanyar datang matan pasar kuta dudul.

“Kawal ikam ne Bus ai, lantih banar mamadahi aku, inyakah pagawai Dinas LH nya? Kada kalu,” ujar sidin ketus banar nah ka Palui baadu-adu ka Garbus sakalinya.

“Ayuha kalau damintu, ulun ampun maaflah makacil lah?”sahut Palui lakas maninggalakan sidin, tanganga Garbus.

Kamariannya Palui maungut duduk di pinggiran siring sungai parak batang atau jar urang wayah ne jamban apung. Nyata banar inya malihat banyu karuh wan rigat, kasihan urang nang mandi, batatapas wan buang hajat di batang.” Umai Lui napa diungutakan?” rawa Tulamak dua laki bini handak mandian.

Halaman
12
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help