BanjarmasinPost/

Si Palui: Fakir wan Sugih

“Ujar siapa aku sugih, duit te memang banyak, tapi nang sugih nitu Lui ai hanya Allah SWT, aku fakir nah?” sidin merendah.

Si Palui: Fakir wan Sugih
Bpost/Riza
Ilustrasi Palui 

PALUI wan Garbus waktu bajalanan ka Banjarbaru singgah di warung makan tarkenal. Kanapakah Palui nang kada tapi paduitan naya handak jua makan nang banyaman-nyaman.
”Nah Palui wan Garbus makan di sini juakah buhan ikam?” takun Pak Haji nang tarkenal sugih di banua ne, taimbai di warung nitu.

“Uh piankah Pak Haji, asa tamimpi ulun nah kawa betamuan wan pian,” sahut Palui.

“Aku tahu ikam Palui wan Garbus iyakah. Karana aku rancak mambaca suratkabar urang banua, jadi tahu Lui tampilan ikam wan Garbus, kada salah kalu,” sahut sidin sambil lihum.

“Bujur jar pian nitu, jadinya asa manggatar ulun nah, Pak Haji ai,” ujar Palui.

“Damintu jua Garbus manyambat asa kada disangka betamuan wan bos urang banua jua,” Garbus manambahi.

“Ayuha buhan ikam handak makan apakah silahkan,” nyaman didangar .

“Handak te kami Pak Haji ai minum kopi haja, tapi pian tawari makan, asa supan nah,’ Palui berbasa-basi kaya pulitikus jua.

“Pasan ha situ, jangan kada gancang lah?” sidin lihum lagi.

“Pian pang apa Pak Haji nang dimakan?” takun Palui.

‘Aku makan kantang haja wan banyu teh kada bagula, tahu haja Galuh warungnya nang kumakan bila singgah ka warung sini, jar sidin Palui wan Garbus mamasan sop kambing, umai dasar gancang buhannya makan sop kambing, sampai mariga talu kali hanyar ampih makan, karik nasi tambah.

Halaman
12
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help