BanjarmasinPost/

Si Palui: Lampahan 313

“Ulun ne maamalakan atau jar urang bahari malampahakan nang rancak jadi numur cantik plat mutur yaitu 313,” ucap nang bini.

Si Palui: Lampahan 313
Bpost/Riza
Ilustrasi Palui

SYUKUR banar Palui ini baisi bini hakun manuntut ilmu ka guru-guru agama di langgar maupun di majelis guru nang tarkenal di kuta dudul. Kada kaya binian artis pang ada nang suka pamer aurat, iyakah. Supaya tarkenal wan dikenal banyak ulih masyarakat.

“Uh umanya tasbih tarus diingkuti?” rawa Palui ka bini.

“Tampulu abahnya ai, gawian sudah tuntung, bila banyak gawian ulun bamandak dahulu,” ujar nang bini.

“Apa haja nang diamalakan aku lihat sarius banar, karimut-karimut muntung ikam?” Palui asa lihum betakun.

“Kada mau pang babacaan nitu dalam hati harus dilafazkan, dikarimutakan, kaya nitu abahnya ai,” sahut nang bini lantih.

“Handak tahu umanya apa nang dibaca ikam?” takun lagi Palui panasaran.

“Ulun ne maamalakan atau jar urang bahari malampahakan nang rancak jadi numur cantik plat mutur yaitu 313,” ucap nang bini.

“Umai raminya garunuman, bahualankah atau bahitung warisankah?” rawa Garbus nang mandangar parahatan inya lewat rumah Palui.

“Ini Bus ai aku malampahakan zikir Nabi Yunus waktu sidin di dalam parut iwak sabanyak 313 kali saban hari salama 40 hari, lakiku banyak banar tatakunan,” sambat bini Palui ka Garbus.

“Uh damintukah bini Palui,” sahut Garbus.

Halaman
123
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help