BanjarmasinPost/

Ayam Galu

“Hadang dahulu pak lah, bini ulun lagi sakit parut masih di toilet,” sahut Palui pina bingung.

Ayam Galu
Bpost/Riza
Ilustrasi Palui 

“Lapangan gagah lurus tadi pang diulah apa wayah ne?” takun Garbus naya.

“Satahuku Bus lah, jadi RTH,’ sambat Palui.

“Apa artinya Lui?” takun Tulamak handak tahu inya.

“Ruang tabuka hijau, artinya banyak tanaman bunga wan kambang, macam-macam tumbuhan ditanami urang di situ te, aku kada biasa jua pang lagi masuk ka RTH nitu, maklum balum dilaunching lagi?” lanjut Palui .

“Apa nitu diandaki luncingkah jua di lukasinya?” bingung Garbus.

“Artinya dirasmikan Bus ai ulih nang maulah RTH buhannya ai, mudahan kita panjang umur kawa malihat kena bagus wan indahnya RTH Palidangan,” Palui besemangat inya.

Kada lawas urang batalu beranak datangan ka warung ayam galu Palui, handak minta ulahakan talu porsi ayam galu.”Lui ulahakan talu porsi ayam galu,” ujar nang abahnya.

“Hadang dahulu pak lah, bini ulun lagi sakit parut masih di toilet,” sahut Palui pina bingung.

“Ikam Lui nang manyangaakan ayam galunya?” sahut nang bini sidin.

“Bah iya pang Bu lah, ulun kada wani kalu hangit mamasakinya kaya apa?” Palui masam muha.

“Bulikan ha kami, buat apa makan di warung ikam naya Lui ai,” ucap nang abah habang muha sidin kasarikan.

Han Lui jangan pandernya haja, basasanga ayam goreng kada bisa, ada apa lalu ya te. Habis galu banar urang jadinya bila singgah di warung Palui, masalahnya Palui kada bisa manyanga ayam goreng .

Iya haja sudah kalakuan ikam Lui ai? (aan maulana/penulis matan kuta dudul,HSS)

Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help