BanjarmasinPost/

Si Palui: Saraba Dua

“Ikam kusuruh babarasih wc manggantiakan tugas Garbus paman sakulahan!” sahut Palui tagas.

Si Palui: Saraba Dua
Bpost/Riza
Ilustrasi Palui

PALUI salawas jadi wali kalas 7C naya, pina banyak bingung wan bahanu panyarikan. Napa gerang pasalnya? Muridnya rancak kada turun, sadikit hujan banyak kada turun, sadikit garing kada turun.

”Cuba pang bamental baja buhan murid nah, jangan banyak kada turun, ini di sakulah menengah kada kaya di SD lagi!” Palui banasihat ka murid.

“Ulun ne saraba dua pak Palui ai, jadi ngalih dikesahakan ka pian?” sahut murid nang bangaran Afan.

“Napa maksudnya Afan saraba dua nitu, aku kada paham nah,” Palui dasar bingung.

“Kaya ne pak Palui lah, ulun baisi mama abah, sidin basarakan, abah kawin babini anum bagana di Rantau, mama kawin wan lakian anum jua bagana di Jambu Raya ne. Nitu maksudnya saraba dua. Mama dua baisian, abah dua jua,” jalas Afan.

“Oh damintukah Fan? Aku jua lambat paham, napa jarku saraba dua buhannya bapanderan, sakalinya mamander ikam, iya kalu?” Palui lihum.

“Jadi dimaklumi haja Pak Palui lah, bila ulun kada turun artinya ulun bamalam wadah abah di Rantau, salajur mambantu sidin bacacarian kardus, kulihan haja bahanu 50 ribu dibari sidin,” sahut Afan besemangat.

“Bila wan mama ikam apa diulah?” takun Palui.

“Ulun banyak baranai, abah anum ulun jadi satpam di gunung sana, jaga alat berat, mama baandak wadai ka warung-warung, jadi ulun banyak santai, makanya abah bakiyauan minta bantu ulun, ka Rantau, ulun mandapati sidin bacari wan batimbang kardus, kaya nitu pang Pak Palui ai?” Afan manjalasakan ka Palui.

“Eh hah Afan ai, paham aku, kaadaan ikam, tapi sabuting paraturan tatap paraturan Afan ai, karana ikam bahanu kada turun, maka kubari sanksi!” ujar Palui sarius.

Halaman
123
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help