BanjarmasinPost/

Cerpen: Kurihing Simpak

Takajut, takurijat Acil Ruhai di pajijihan. Bauntung panci baisian baras nang rahatan dibasuh sagan dipamasak kada tapulanting.

Cerpen: Kurihing Simpak
banjarmasin post group
Ilustrasi oleh Riza 

BANJARMASINPOST.CO.ID, BANJARMASIN - Matahari bungkas nangkaya tampurung buntus, pina undur mara cungul matan kulambu subuh.

Babaya bailau balajur ditukup rakun nang bukah umpat baupang di angin, salibasan kadap. Kada saapa mandagum guntur sing hangkuian.

Takajut, takurijat Acil Ruhai di pajijihan. Bauntung panci baisian baras nang rahatan dibasuh sagan dipamasak kada tapulanting.

Amunnya tapulanting, labaram, pacangan kada bamakanan saharian nang batalu baranak di rumah nangini. Napang, padaringan lingis hudah, bakarik hampai ka burit.

Buhara hajaah, raskin nang ujar habar pacangan dibagi pambakal lakas hampai ka rumahnya. Malaran, dudua minggu kada manukar baras.

Lamunnya lauk, nyaman haja dipikirakan. Taruk gumbili, kangkung, ginjir, basapai haja di pahumaan. Kadada nang manangati amun hakun haja mamutiki, kawa disanga-sanga, dijarang, atawa digangan karuh nyaman haja sagan lauk mangawani nasi.

Ari burintisan, matan baisukan lacit ka tangah hari. Rasidah wan Fajar karantukan badua baading. Basinghaja arini kada sakulah, napang baju sakulah magunai baal bakas marian kahujanan, jimus saawakan.

Manggitir kadinginan nang badua baading ngini bulik sakulah, untung haja kada garingan.

“Sidah, kau tunggui ading di rumah. Kada sarana balalah kamamana. Lajari adingmu mambaca. Kaina amun lapar, makanan, adaai nasi wan kangkung basanga di bawah tutudung.”

“Hiih, Maai. Andika tulak ka manang?”
“Handak maambilupah batatapas wan basisimpun di rumah Uwa Hamdi.”
Acil Ruhai maambil kakamban balalu manyalungkuiakan di kupala.

Itulah penggalan cerpen berbahasa Banjar karya Hatmiati Masy'ud. Selengkapnya simak di koran Banjarmasin Post edisi, Minggu (08/10/2017).

Editor: Idda Royani
Ikuti kami di
KOMENTAR
TRIBUNnews.com Network © 2017
About Us
Help