BanjarmasinPost/

Si Palui: Palui Pemurah

NGARAN handak berbuat kebaikan kada usah mahadang sugih dahulu, biar ha sapamatuk sapangikih, kalau handak berbuat

Si Palui: Palui Pemurah
BPost Cetak
Ilustrasi palui 

NGARAN handak berbuat kebaikan kada usah mahadang sugih dahulu, biar ha sapamatuk sapangikih, kalau handak berbuat kebaikan wan urang bisa haja.

”Aku bahanu pas-pasan jua kulihan mambentor tiap hari, ada warga nang datang ka rumah bapadah kada kawa bayar listrik, tatap ai aku jurungi duit,” ujar Palui dalam hati.

Ada warga nang minta bawa ka duktur sakalinya kada mayu duit, aku mahutangi wan babuat di bentorku kada kawa bayar, ya tatap aku santuni, tampulu ada hartanya pada diriku, Palui taungut saurangan.

“Napa abahnya maka taungut pian?” takun nang bini.

“Aku ne handak jadi urang pemurah maski pandapatan pas-pasan, kada jadi masalah,” sahut Palui.
“Nyamannya pian, jadi pemurah, ulun maka am kilip-kilip mata handak baju manukar saurang, kada biasa pian manukarakan, jangan ha terlalu pemurah, ulun kada dihatiakan,” nang bini ketus.
“Ayuha kena ada wayahnya aku manukarakan baju,” Palui lihum.

Ngaran Palui terkenal kada pamalar, jadi ada haja nang datang, halat sahari ada nang datang ka rumah.

”Aku bahutang duit pang Lui, kada baduit manukar baras?” pinta Garbus.

“Nah kalau kada babaras, ayuha aku takarakan baras nah dua litar, babagian pahumaan di Tibung Raya,” sahut Palui salajur manakarakan barasnya nitu.

“Uh Lui tarimakasih banar Lui ai nah, aku dibari baras,’ ucap Garbus himung banar.

“Tampulu ada Bus ai pas ikam datang aku bari, iya kada,” ucap Palui nyaman didangar.

Halaman
12
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help