BanjarmasinPost/

Si Palui: Biri-Biri

Karana Palui nang bakahandak maka jarang kada talaksana. Nang bini mau ja manurut kahandak lakinya. Jadi Palui baisian biri-biri

Si Palui: Biri-Biri
Bpost/Riza
Ilustrasi Palui 

PALUI ne pintar mambaca piluang usaha nang kawa digawi, kada banyak mudal tapi urang kada banyak pula nang malaksanakannya.

”Aku handak baulanh kurungan biri-biri umanya ai?” sambat Palui ka bini.

“Biri-biri baiklah, jaka kambing ja abahnya ai, banyak urang mamarluakannya, baakikah atau bakurban, atau buhan rumah makan wayah ne banyak urang baulah sate kambing,” sahut nang bini.

“Biri-biri ne tamasuk jarang urang maharagunya wayah ini, tapi bila ada hewannya pasti ditukari urang ja, kurang labih ja pang wan kambing, aku ai handak mancuba balain pada kambing baharaguan,” Palui kada mau kalah.

Karana Palui nang bakahandak maka jarang kada talaksana. Nang bini mau ja manurut kahandak lakinya. Jadi Palui baisian biri-biri lima ikung nang umur dalapan bulanan.

”Hewan apa Lui pina ikal-ikal bulunya?” takun Garbus.

“Kada ingatkah Bus, palajaran di sakulah dasar lagi bahari, ini hewan biri-biri, bulunya kawa diulah kain wol, tapi di luar negeri pang nitu, di wadah kita ne kadada lagi mamanfaatkan bulu biri-biri,” ujar Palui asa suka baisian hewan nitu.

“Napa te Lui jadi handak baharaguan biri-biri ikam ne, kada handak kambing?” takun pula Tulamak.

“Ini rahasianya buhannyalah, kalau kambing sampai umur bakurban dua tahun, tapi kalau biri-biri cukup satahun haja atau giginya sudah kapinggahan bulih sudah dikurbanakan,’ sahut Palui manjalasakan.

“Napa lagi Lui alasannya?” Garbus betakun jua.

Halaman
12
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help