BanjarmasinPost/

Si Palui: Biri-Biri

Karana Palui nang bakahandak maka jarang kada talaksana. Nang bini mau ja manurut kahandak lakinya. Jadi Palui baisian biri-biri

Si Palui: Biri-Biri
Bpost/Riza
Ilustrasi Palui 

“Biri-biri jarang diharagu urang, banyak kambing atau sapi kalau wayah ini? Tapi aku maingu biri-biri artinya inya tamasuk hewan nang langka, larang haraganya. Awak biri-biri taganal pada kambing, makanannya mudah haja misalnya duan-daun nangka, kulit pisang, rumput atau dilapaskah bisa haja inya bulik ka kurungannya. Isuk aku lapas buhannya ne, karana diampunnya ya biri-biri init e balapas jua,” Palui lancar bapander.

Sakitar jam 11 isuknya Palui wani malapas biri-birinya karana inya marasa asa patuh sudah biri-birinya nitu. Ngaran dilapas ada nang ka hulu ka hilir, bajauh pada kurungannya. Palui gugup hari jam lima kamarian sudah, biri-birinya kadada talihat cungul baparak ka kurungan. Kada tinggal diam Palui ka sana ka mari mancarii dua laki bini kadada tadapat lagi. Sampai urang azan Maghrib saikung-ikung kadada lagi nang cungul.

“Bah iya pang umanya ai aku parcaya banar wan biri-biri naya, sakalinya dilapas, ya lapas banar buhannya ne,” Palui pucat muhanya, habis kada tasalat Maghrib haur bacari biri-biri haja.

Iya haja sudah Lui ai, urusan dunia mangalahakan sagala-sagalanya, terutama urusan akhirat jadi terabaikan, akibat baurus biri-biri tu pang ikam Lui ai?

“Han jarku abahnya ne, maka pian parcaya banar wan biri-biri nitu, habis lapas berataan!” nang bini manumpalak.

“Nasib-nasib umanya ai, kada jadi sugih kita,” Palui dasar pucat banar muhanya. (aan maulana/penulis matan kuta dudul HSS)

Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help