Si Palui: Kapala Burung

Palui mancari katupat ampah ka Jalan Parindra.”Aku handak makan katupat sapursi kapalanya ada ai kalu?” takun Palui wan nang ampun warung.

Si Palui: Kapala Burung
Bpost/Riza
Ilustrasi Palui 

INI uniknya si Palui bila duduk di warung katupat Kandangan Aluh Lia di kampung Pandai Muka pasti mancari kapala.

”Uh Aluh Lia katupat sapursi , jangan kada kapala haruanlah?” sambat Palui handak makan katupat baisukan di warung Aluh Lia.

“Ubui nah Lui, aku kada ingat maninggali, kaya apa?” ucap Aluh Lia.

“Ayuha aku makan ka lain ai,” sahut Palui asa kecewa.

Palui mancari katupat ampah ka Jalan Parindra.”Aku handak makan katupat sapursi kapalanya ada ai kalu?” takun Palui wan nang ampun warung.

“Ada ai Lui ai? Ganal lagi nah,” sahut ampun warung nang manis langkar.

Sakalinya muncul Garbus. “ Ada banar Lui ai, kapala haruannya, aku basapupu wan ampun warung ne?” ujar Garbus takajut Palui datang ka warung nang diumpatinya.

Wah Palui asa himung banar betamuan wan katupat iwaknya kapala haruan. Habis lima bigi katupatnya iwak kapala haruan nang ganal. Tarus terang haja buhan hulu sungai salatan ini , banyak panyakit darah tinggi wan kolesterol tinggi jua karana katuju mangunsumsi masakan nang manis-manis wan basantan. Tapi ngaran parut wan liur inya handak ditulusakan tarus, kada parduli darah wan kolesterol tinggi nang panting nyaman tiap baisukan. Kena bila sudah wayahnya kada kawa lagi mamakan katupat apa bulih buat.

Baisukan isuknya Palui datang lagi ka warung Pandai Muka.

”Uh Aluh Lia aku handak sapursi katupat iwaknya kapala haruan nang ganal ya?” pasan Palui.

Halaman
12
Editor: BPost Online
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved