Si Palui: Kapala Burung

Palui mancari katupat ampah ka Jalan Parindra.”Aku handak makan katupat sapursi kapalanya ada ai kalu?” takun Palui wan nang ampun warung.

Si Palui: Kapala Burung
Bpost/Riza
Ilustrasi Palui 

“Nah ikam, tadi sampat jam anam urang samuturan handak ka Banjarmasin makanan di warungku naya Lui ai,samuaan kapala haruan haja iwaknya, jadi habis pulang nah, tinggal buntut haja lagi, hakunlah?” sahut Aluh Lia asa manyasal kada maninggali inya matan baisukan samalam sudah kada sampat si Palui.

“Bah iya pang, kada sampat pulang aku makan iwak kapala haruan di warung ikam Aluh Lia ai?” Palui lakas maninggalakan .

Kamudian Palui datang ka warung katupat lain sambil mamasan sapursi kapala haruan. Kalau handak katupat Kandangan, datang haja buhannya ai, ka kuta dudul, kada betaha kada sampat, karana tiap gang atau tiap kampung pasti ada urang bajualan katupat Kandangan.

“Nah Lui, iwak kapala di atas atau di bawah?”ujar pamilik warung Mama Silma lihum.

“Aku tasarah haja nah,” sahut Palui.

“Kapala atas habis Lui ai,” sakalinya Mama Silma mangaramputi. Kapala bawah lamah banar Lui ai? sidin sambil lihum bapair ha pula.

“Jadi kaya kapala ampunku jua lamah banar ya? Kada jadi makan nah, Mama Salma mun lamah nitu kapalanya?” Palui maraju.

“Kalau handak kapala malam kena ka warungku lagi, kami buka kembali malam, kapala ganal kutinggali,” ucap Mama Silma bajanji.

“Kalau malam aku kada makan katupat Mama Salma ai, paling makan nasi goreng, mie ayam atau bakso, ayuja kada kawa ai?”Palui kecewa.

“Makanya Lui ai, bila ikam handak makan kapala haruan nang ganal isuk basungsung ikam ka warungku , supaya sampat ikam mamakan kapalanya, bila kada sampat pula isuk kapala nang lain ai kusurung,” sambat Mama Silma sambil begaya.

“Kapala napa?” Palui maanyaki.

“Kapala burung dalam silawar ikam Lui ai, ada urang kahilangan kapala, tahu ai kalu,”Mama Silma tatawa.

“Iya sudah ampun warung nih, asa galianan aku mandangar,” lakas Palui bajauh kena ada disangka urang begandakan wan Mama Silma nang bawarung katupat Kandangan. (aan maulana/penulis matan kuta dudul,HSS)

Editor: BPost Online
Ikuti kami di
KOMENTAR

BERITA TERKINI

TRIBUNnews.com Network © 2018
About Us
Help