BanjarmasinPost/

Si Palui: Sambal

“Han jarku umanya, pas haja kita bamandak dahulu bajualan luntung ludeh,” Palui basuara.

Si Palui: Sambal
Bpost/Riza
Ilustrasi Palui 

MAMANFAATAKAN halaman rumah,Palui dua laki bini bajualan luntung ludeh, ada kabisaan nang bini waktu bagana di Banjarmasin bahari. Tiap malam lima litar manjarang luntung ludeh cagar dijual baisukan. Dalam lima litar nitu, sasain basurut haja payu, jadi ampat litar, jadi dua litar tiap baisukannya.

“Napa umanya aku asa kada mampu lagi nah betahan bajual luntung ludeh. Tamakan mudal sudah kita,” ujar Palui marista ka bini.

Apalagi nang anak si Amat mambawa habar ka uma abahnya. ”Bah,Ma, ujar bini Tulamak te, kuah luntung ludeh pian asa masam, pian rancak panas-mamanasikah,Ma?” takun Amat. Hinip haja umanya.

“Han jarku umanya, pas haja kita bamandak dahulu bajualan luntung ludeh,” Palui basuara.

“Ayuha aku tasarah pian abahnya ai,” nang bini pasrah sambil bahinak ganal, galau bini Palui.

Isuk baisukan imbah dinyatakan tutup warung luntung ludeh Palui, sakalinya banyak urang nang tabulik mambawa rantang atau handak makan di warung Palui nitu.

”Tutup Tulamak ai, kena ai pulang buka warungnya?” ujar Palui ka Tulamak nang handak makan luntung ludeh.

“Napa Lui maka tutup, aku lapar banah nah,”sahut Tulamak sambil manapak ka parutnya nang buris.

“Sudah aku buka kadada mancarii, pas aku tutup datang handak makan ikam,” tumpalak Palui.

“Huhuwas handak sugih kalu Lui ai ikam,?” ucap Tulamak lihum sakalinya. Mangalunyur ha inya bulik.

Halaman
12
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help