BanjarmasinPost/

Si Palui: Masbuk

“Kasihan imam jadi beban bila pian kada sempat mambaca Al Fatihah , umpat jua kena rukuk,” nang bini lantih.

Si Palui: Masbuk
Bpost/Riza
Ilustrasi Palui 

SUDAH kabiasaan bagi Palui maski mandangar urang azan di masjid atau di langgar, tapi tatap inya pina santai haja, mamabaca suratkabar atau balihat tv.

”Uh abahnya jangan belalakun lagi, lakas ja ka masjid Quba, kena pian masbuk tarus!” tagur nang bini.

“Biar ja masbuk tapi aku tatap umpat bajamaah ka masjid nitu,” sahut Palui asa sarik ditagur bini.

“Kasihan imam jadi beban bila pian kada sempat mambaca Al Fatihah , umpat jua kena rukuk,” nang bini lantih.

“Kada kawa ai nah, kabiasaan nang ngalih dibuang, katuju masbuk aku kanapakah,” Palui marasa sakalinya, katuju masbuk alias tarlambat umpat salat bajamaah di masjid.

Akibat suka masbuk ini, parnah Palui kuler salat bajamaah ka masjid karana marasa supan bila ka masjid pasti tarlambat, sarakaat atau dua rakat, jadi pang kada ka masjid, bini ditariknya ulih Palui masuk ka dalam kamar.

”Napa abahnya maka ulun ditarik ka kamar pian?” sanggah nang bini.

“Kada apa-apa pang, aku handak minta kawani salat bajamaah banarai, nang panting ada satu makmum sah sudah salat bajamaahnya,” jawab Palui sakalinya mambawai bini salat bajamaah di kamarnya.

“Minta maaf abahnyalah, ulun pas kadatangan tamu nah,” sahut nang bini.

“Ubui nah, makahana am, gagal maning aku handak salat bajamaah ini,” Palui tauling kapala.

Halaman
12
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help