BanjarmasinPost/

Si Palui: MUTUR TUHA

“Wah.. Pian Wa, imbah pangsiun wayah hini ada kamajuan baisian mutur “, rawa Palui wayah tadapat di jalan.

Si Palui: MUTUR  TUHA
Bpost/Riza
Ilustrasi Palui 

SATALAH bagawi manalung puluh tahun labih sabagai PNS atawa wayah hini nang disambat urang ASN ( Aparatur Sipil Negara ), akhirnya paman Duraup, paranah mamarina Palui mamasuki masa pangsiun.

“ Alhamdulillah ..! , ujar sidin baucap awan Palui, “Akhirnya aku kawa salamat bagawi sampai pangsiun”.

“Kanapa pian maka pina himung banar imbah pangsiun, Wa ?”, takun palui . “ Padahal biasanya gaji urang pangsiun tu kada banyak nangkaya pian lagi aktif samalam ,”,ujar Palui pulang.

“ Aku tu basyukur kada suah baurusan awan pulisi, kajaksaan atawa kapika (KPK) Walaupun aku suah babarapa kali diu-unjai urang awan duit bakabat-kabat. Barakat aku kada hakun manggawi napa-napa nang kuanggap malanggar paraturan, Alhamdulillah aku salamat sampai pangsiun . Kakawanan nang saangkatanku babarapa ikung tapaksa disakulahakan urang ka ‘hutil parudiu’. Kasian haja pang inya, mana bagawi diampihi urang, anak-bini taumpat-umpat supan,” kisah Paman Duraup kaalah Palui.

“ Tarus napa rancana pian imbah pangsiun ini, Uwa?” takun Palui pulang.

“ Jadi MC !” jar Paman Duraup (sambil sidin manating ganggam kaampah muntung nangkaya urang baingkutan mik halau-halau).

“ Uma-ai Pian ni Wa-ai, amun sudah tuha, mana gigi banyak paculan, cakadanya payu jadi MC, Wa-ai. Urang mancari MC nang anum-anum atawa MC bibinian nang bungas-bungas”, ujar Palui mampahawai.

Paman Duraup tatawa mandangar bajahan Palui nitu. “Maksudku jadi MC tu ‘Mahuan Cucu’ alias ‘ maharagu cucu’. Kadanya MC, Master of Ceremony atawa ‘ pamandu Acara’ nitu pang, Lui-ai.”

Babarapa bulan imbah pangsiun, mamarina Palui (Paman Duraup), talihat wayah hini pina kalunyur-kalunyur manyupir mutur paribadi. Muturnya ‘mutur tuha’.., yah.. kukurang labih sama tuhanya nang ampunnya.

“ Wah.. Pian Wa, imbah pangsiun wayah hini ada kamajuan baisian mutur “, rawa Palui wayah tadapat di jalan.

Halaman
12
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help