BanjarmasinPost/

Si Palui: TAHAGA DUIT

Anaknya nitu diingati banar ulih Palui supaya kada bailanja sambarangan, apalagi mun handak batukar makanan.

Si Palui: TAHAGA DUIT
Bpost/Riza
Ilustrasi Palui

ANAK Palui nang bangaran ‘Utuh Tipang’ sakulah hanyar kalas tiga SD. Tapi ulih Palui singhaja disuruhnya bajalan batis haja tulak ka sakulahan. Ada pang kira-kira satangah pal kalu jarak antara rumah Palui wan sakulahan. Maksudnya malajari anak supaya hidup sadarhana wan mandiri. Artinya mambiasakan anak kada salalu bagantung di bawah katiak kawitan !.

Duit sagan sangu sakulah jua Palui bari sakadarnya haja, maka ulih Palui pulang si anak dilajarinya supaya mambiasakan diri manabung kalu ada sisa wilanja. Gasan mahimungi anak, ditukarakannya cilingan hahayaman.

Anaknya nitu diingati banar ulih Palui supaya kada bailanja sambarangan, apalagi mun handak batukar makanan. Sabab kita kada tahu sual barasih-kadanya cara urang maulah wadai atawa makanan nang dijual-jual urang nitu.

Ulih karna itu Palui manyuruh nang bini supaya salalu manyiapakan sasanguan wadai wan banyu nginumnya gasan anaknya nitu. Tulak sakulah kisukan pukul 07.00, bulik sampai di rumah kurang labih pukul 12.00 siang.

Satu timpu si Utuh Tipang ini bulik ka rumah agak talambat dari biasanya, ada pang satangah jam-an.Hari sudah mamukul 12.30-an, tapi Utuh Tipang baluman bulik jua. Bini Palui galisah mahadangi di rumah. Inya manalipun batakun ka sakulahan. Ujar pihak sakulah sudah bulikan saparti biasa pukul 11.30 tadi.

Tapi Alhamdulillah ..! Kada lawas imbah hitu kira-kira 5 manit kamudian, Si Utuh Tipang cangul sambil kurihing-kurihing manampaiakan duit haraga ratusan salambar.

“Duit siapa nitu, Nak?!”, takun bini Palui.

“Ulun tahaga di jalan, Ma-ai,” ujar Utuh Tipang. “Ulun tadi bulik mahantas liwat jalan kabun.”

“Tarus kadimapa kisahnya maka ikam sampai mandapatakan duit nitu ?” salidik bini Palui.

“Waktu di jalan kabun itu, ada Nini-nini pina kukulilik batundukan mancari sasuatu. Lalu ulun takuni, “ Napa nang Pian cari, Ni ?:. “ Duit-ku saratus ribu tacicir, “ ujar Nini nitu pina manggitir.

Halaman
12
Editor: BPost Online
Ikuti kami di
KOMENTAR
TRIBUNnews.com Network © 2017
About Us
Help