BanjarmasinPost/

Si Palui: Minta Sadakah

“Maksudnya, supaya sadakah kita tu jangan sampai dirusak ulih rasa ria, ulih ujub, atawa ulih rasa takabbur,” jar Palui.

Si Palui: Minta Sadakah
Bpost/Riza
Ilustrasi Palui 

MALAM itu Palui bapapandiran wan nang bini. “Aku kaingatan waktu Tuhirang mahabarakan bahwa Tulamak sudah manyumbang 10 ikung hayam gasan kunsumsi acara paringatan maulid Nabi di langgar parak rumahnya. Sakalinya Tulamak bukannya kahimungan,” jar Palui.

“Kanapa jadi Tulamak kaya itu, abahnya ?” takun bini Palui.

“Jadi..jar Tulamak, sual nitu kada usah diuar-uarakan, Tuhirang-ai. Sabab inya ingat awan pasan Guru bahwa nang baik tu (amun kawa jar Guru), kalu kita basadakah awan tangan kanan, tangan kiwa kada parlu tahu !” ujar Palui mamadahakan ka nang bini.

“Napa maksudnya?” takun bini Palui pulang.

“Maksudnya, supaya sadakah kita tu jangan sampai dirusak ulih rasa ria, ulih ujub, atawa ulih rasa takabbur,” jar Palui.

“Tapi kalu urang manyumbang, kamudian dibacaakan atawa diumumakan tu pang, kaya apa hukumnya, abahnya ?” ujar bini Palui.

“Yahh.. bulih-bulih haja. Sabab basadakah tu bulih sacara tarang-terangan (artinya dilihat/dikatahui ulih urang), dangan tujuan sabagai syiar/ajakan kapada urang lain.

Atau bulih jua sacara diam-diam (artinya kada parlu dilihat/dikatahui ulih urang banyak). Nang panting niatnya harus ikhlas. Sabab, sagala amal parbuatan kita tu targantung kapada niatnya (Innama a’maalu binniyah!)”, jar Palui manjalasakan ka bini.

“Aku tu bahanu, wayah Andika kadada di rumah, ada urang bapintaan sagan pambangunan masigit. Cuma lukasi pambangunannya di tampat lain nang kita kada tahu parsis, bahkan ada nang di kabupatin lain, jadinya hati asa bagaritik ragu sual bujur-kadanya urang nang bapintaan nitu. Amun kaya itu, Abahnya : kaya apa am? Kita barikah.. atau kada usahkah ?! takun bini Palui.

“Amun hati kita asa ragu, labih baik kita tulak haja sacara baik-baik. Apalagi mun matan kabupatin lain, inya harus minta izin dahulu masuk ka wilayah urang. Basadakah tu labih baik kapada nang jalas-jalas haja tampat wan paruntukannya, Umanya-ai. Mun gasan masigit/langgar, langsung haja ka masigit/langgar. Atawa mun gasan anak yatim, langsung jua ka panti asuhannya,” Palui bapapadah.

Halaman
12
Editor: BPost Online
Ikuti kami di
KOMENTAR
TRIBUNnews.com Network © 2018
About Us
Help