Si Palui: Puji Dina

”Aku rasa pusang umanya ai nah, kita rancak banar sudah makan pucuk gumbili wan gadang pisang

Si Palui: Puji Dina
Bpost/Riza
Ilustrasi Palui 

PAS haja ujar kapala Kantur Urusan Agama (KUA) , ujar sidin rumah tangga nitu kada kawa dibangun atas dasar cinta samata, tapi parlu jua wan fulus. Ini nah Palui marasa pusang hanyar usaha kada tapi kulihan kaya urang manarik bentor, jadi pang duit kadada. Bini damintu jua kada bisa bausaha samata-mata bajualan wadai ruti pisang haja, kada mau bainovasi jar urang wayahni. Sadangkan nang bajualan wadai ruti pisang nitu banyak jua, jadi pang tabagi-bagi razakinya.

”Aku rasa pusang umanya ai nah, kita rancak banar sudah makan pucuk gumbili wan gadang pisang, kaya ujian handak jadi wali Allah haja kita naya ? Gasan dimakan haja ngalih umanyalah,” Palui curhat ka bini.

“Ada ai bahanu bahiri malihat urang pina nyaman manukar sapida mutur, manukar galang amas, saurang gasan dimakan haja ngalih banar ya,” sahut nang bini marista jua.

“Kalau kaya ni tarus aku handak belampah haja umanya ai, muhun ijinlah, jangan dihuwasani aku, kena ada kada jadi jadi ya, ” Palui ada rasa optimis manatap hidup karana akan belampah nitu.

Puji dina ngaran lampahannya, umpama hari ni kada bulih makan nang saraba banyawa saparti daging ayam, daging sapi,iwak, tamasuk hintalu. Isuk hari kada bulih makan nang dimasak wan api saparti makan nasi, makan pisang goreng, minum bajarang. Isuknya lagi kada bulih makan tumbuh-tumbuhan saparti buah mangga, durian, rambutan, manggis wan lainnya diiringi bacaan nang sudah ditentuakan banyaknya. Tentu ai kada bulih tatinggal salat lima waktu, terakhir salama 24 jam kada bulih guring atau talalap barang sadikit jua pun, bila kaya nitu maka gugurlah lampahannya nitu.

”Aku umanya ai malampahakan pada minta sugih kapada Allah Taala nyaman kita kawa kaya urang jua,” ujar Palui mamulai lampahannya.

“Hari ni apa pian kada bulih makan apa?” takun nang bini.

“Hari ni matan kamarian habis Asar kada bulih makan nang dimasak, jadi aku makan buah-buahan haja, saparti mangga atau pisangkah nang tamurah haja kumakan,” sahut Palui lihum.

Imbah Maghrib ada Garbus besaruan handak behaul aruah mamanya.

”Lui datangiakan malam ni habis Isya di rumahku behaulan,” Garbus besaruan.

Halaman
12
Editor: BPost Online
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved