Si Palui: Taparaung

“Lalu kita nang sudah tadaftar sabagai calun pamilih ini pang, kadimapa sabaiknya manyikapinya ?” takun Tuhirang.

Si Palui: Taparaung
Bpost/Riza
Ilustrasi Palui 

BUHAN Palui sapakawanan nang biasanya rami barucau pandir mahaluya ka hulu ka hilir, puhun kamarian itu pina hinip satumat mandangarakan infurmasi manganai pilkada sarantak’ matan radiu di HP-nya Palui.

“Diinfurmasikan pula bahwa dalam pilkada sarantak tahun 2018 ini akan dilaksanakan di 171 dairah di saluruh Indonesia, mancakup 17 provinsi gasan pamilihan 4 gubernur wan wakil gubernurnya, 39 Kota, gasan mamilih walikota wan wakil wakota, sarta di 115 dairah kabupaten untuk mamilih bupati dan wakil bupatinya “.

“Umaa-ai-lah.., Aku asa kada kawa mambayangakan” ujar Garbus, “Kaya apa sibuknya buhan KPU maatur palaksanaan pilkada sarantak inih, supaya samuanya bajalan lancar, aman wan suksis!”

“Nang abut tu kadanya KPU haja pang, Bus-ai. Tapi pastinya jua buhan aparat kaamanan nang manjaga kagiatan nitu supaya tatap aman wan kundusip,” ujar Tulamak manimpali.

“Bujur banar, Mak-ai! Urang-urang manyambat tahun 2018 ini sabagai tahun pulitik, sabab masing-masing pasangan calun wan para pandukungnya pasti baupaya sakuat tanaga gasan mamanangakan calun-calun-nya,” ujar Palui.

“Lalu kita nang sudah tadaftar sabagai calun pamilih ini pang, kadimapa sabaiknya manyikapinya ?” takun Tuhirang.

“I-ih..” (jar Tulamak), “aya apa kalu ada urang maimingi kita awan duit atau napa-kah pambarian lainnya, supaya kaina kita hakun mamilih calun buhannya nitu?!”

“Sual nitu, Mak-ai ..., tabulik pulang kapada diri kita masing-masing. Kalu kita hakun manarima, baarti sacara tasirat saulah-ulah kita bajanji akan mangabulakan apa nang diharap ulih si pambari nitu. Nang jadi masalah tu, apakah pilihan kita nitu bujur-bujur sasuai awan hati dan pikiran kita, atau kada! Uma-ai, ngalihnya, Lui-lah “, jar Tulamak

“Nang nyaman tu, Mak-ai. Kita kada tapangaruh awan hal2 nangkaya itu. Astilahnya : Aman dan nyaman!”, ujar Palui.

“Makanya , jar Palui pulang, “Itu sababnya kanapa tahun 2018 ini disabut urang sabagai tahun pulitik, karna tahun ini buhan pulitikus asing-asingnya hingar maatur satratigi supaya kalumpuknya manang. Tapi nang paling panting buhannya-ai, mari kita palihara bujur-bujur karukunan wan kabarsamaan kita sabagai bangsa. Sual pandapat atawa pikiran sarta pilihan kita bulih babida, tapi camkan : hati kita tatap dalam bingkai Bhinneka Tunggal Ika..!!” ujar Palui manahapi buhannya.

Halaman
12
Editor: BPost Online
Ikuti kami di
KOMENTAR
TRIBUNnews.com Network © 2018
About Us
Help