Si Palui: Sakit Kapala?

Tapi nang ngaran supir bakuasa tatap inya bamandak di warung nasi kuning subalah kuta Rantau nitu. Palui malihat urang makan

Si Palui: Sakit Kapala?
BPost Cetak
Ilustrasi palui 

MAKLUM jadi rakyat biasa Palui ini bila bapergian ka Banjarmasin pasti manyambang mutur colt, kaya nitulah kalakuan Palui karana kada kawa manukar mutur pribadi jadi umpat bataksi ya.

”Bawa aku Bus lah, ka bundaran katupat Hamalau situ, banyak mutur colt handak ka Banjarmasin, apalagi sungsung lakas babuat aku bamutur colt,” ujar Palui ka Garbus.

“Aku apa ujar ikam siap Lui, ngaran paujekan,” sahut Garbus lihum.

Bamandak-mandak sakalinya mutur taksi colt naya, karana inya sambil mancari tumpangan kalu ada nang mangawai, bila kalajuan apa kadada rajaki tu. Kalaunya sudah hibak tumpangan kawa balaju, karana kada mahatiakan tumpangan lagi.

”Maaf Lui lah, aku handak bamandak di warung acil nasi kuning nah,” ujar supir ka Palui wan tumpangan lainnya.

“Umai aku tadi sudah makan di rumah,” sahut Palui.

Tapi nang ngaran supir bakuasa tatap inya bamandak di warung nasi kuning subalah kuta Rantau nitu. Palui malihat urang makan pina rami asa handak jua inya makan.

”Ulahakan jua aku sapiring nasi kuning iwak haruan,” pasan Palui ka acil warung nang langkar masih badastaran haja.

Dasar nyaman nasi kuningnya, jadi Palui bilang lahap banar mamakannya, ditambah acil warungnya bahanu manyirit ka Palui.

”Ubui lahai, aku sudah babini anak ganal, jaka tidak katuju haja saban hari makan di sini,” batin Palui.

Halaman
12
Editor: BPost Online
Ikuti kami di
KOMENTAR

berita POPULER

TRIBUNnews.com Network © 2018
About Us
Help