Si Palui: Kesah Hayam

Kada saapa sakalinya Palui datang.“Maaf buhannya lah, aku taguring,” jar Palui sambil manyatandar sapida mutur.

Si Palui: Kesah Hayam
BPost Cetak
Ilustrasi palui 

SURI itu Garbus, Tulamak, Tuhalus wan Tuhirang sudah manikin daftar hadir di Pus Gardu James Bond, RT 007/RW 045. Nang baluman cangul tinggal Palui, si kapala suku buhannya haja lagi.

“Aku manangguh kapala suku kita ni talat datang karna taguring, kauyuhan imbah mandangani nang bini bailanja ka pasar,” ujar Garbus.

“Darimana ikam tahu, Bus ?” takun Tulamak.

“Kada-ai,” jar Garbus. “ Aku tu sakadar mancucuba ilmu-ku banarai. Aku malihat bayangan Palui wan nang Bini malalui kuku”, ujar Garbus kada tatahu muhanya.

Kada saapa sakalinya Palui datang.“Maaf buhannya lah, aku taguring,” jar Palui sambil manyatandar sapida mutur.

“Wah.., sakalinya tangguhan Garbus tadi banaran!” ujar Tulamak. Garbusnya kurihing-takurihing haja di higa Tulamak.

“Tangguhan napa, Mak ?” takun Palui kada paham.

“Kada papa, Lui-ai. Tadi Garbus gagawaian manangguh nang ikam talat datang ini, karna ikam taguring kauyuhan imbah mandangani bini ikam ka pasar,” ujar Tulamak manjalasakan.

“Haww.. Kadimapa jadi ikam bisa tahu, Bus ?” takun Palui.

Garbus tatawa salajur baucap, “Kisukan tadi kulihat ikam babuncingan sapida mutur wan umanya ampah ka pasar.”

“Bah.. dasar jua si Garbus inih! Tadi inya bapadah wan kami, Inya kawa malihat bayangan ikam, Lui-ai matan kuku,” ujar Tulamak asa diwaluhi banar.

Halaman
123
Editor: BPost Online
Ikuti kami di
KOMENTAR

berita POPULER

TRIBUNnews.com Network © 2018
About Us
Help