Si Palui: Murid Nakal

‘Sukses nah Utuh Yurin, bahari ikam di SMP sampai lima tahun hanyar tamat, iya kalu?” Palui tatawa.

Si Palui: Murid Nakal
Bpost/Riza
Ilustrasi Palui 

JADI guru honor sudah puluhan tahun si Palui naya, banyak makan asam garam kahidupan sakulahan. Pasti manamui murid nakal, murid nang pintar, nang langkar, nang sugih, nang kada beruntung wan lain sabagainya.

”Aku kaganangan bahari ada kawal mamukul ka guru, wayahni jadi apakah inya, kira-kira kada sukses saku hidupnya?” ujar Palui bakisah ka Garbus paman sakulahan.

“Aku suah jua dikisahakan ulih aruah abahku, lagi jadi murid wani banar melawan ka guru-guru ,kakawalannya nang lain, jadi urang barguna, karana mantaati wan parintah guru,” sahut Garbus indah kalah.

“Napa raminya bapanderan Lui ikam wan paman sakulah, bapander masalah apa?” takun kapala sakulah (kepsek) ka Palui.

“Kami pak kepsek ai, mamander murid lagi bahari, ada macam-macam jua kalakuan muridnya,” sambat Palui.

“Tapi murid bahari kada kaya zaman now Lui ai, dahulu kadada nang telernya. Cuba damini banyak murid nang teler akibat mangunsumsi ubat-ubatan nang dilarang pemerintah izin edarnya, jadi pang mata habang, bajalan sempoyongan di sakulahan, tapi di sakulahan lain pangaku dangar, alhamdulillah di sakulahan kita Lui lah, masih kadada lagi nang teler iya kada?” ujar kepsek umpan manyurung pander jua.

“Mudahan kadada salawasan pak kepseka ai,” sahut Garbus sakalinya.

“Inggih bujur pak ai,” tambah Palui.

Imbah bulik di sakulahan Palui singgah di warung Umi Hidayat, masakan saraba bapanggang kacar liur. Haratan asik makan siang nitu, ada nang datang bamutur ruda ampat langsung marawa Palui. ”Pak Palui pian ingatlah ka ulun?” sambatnya.

“Siapa ya, Utuh Arminkah?” ucap Palui.

Halaman
123
Editor: BPost Online
Ikuti kami di
KOMENTAR

BERITA TERKINI

TRIBUNnews.com Network © 2018
About Us
Help