Malihat Landau

“Bararti ikam kada sampurna lah salatnya Lui, karana masih katuju malihat landau binian!” sambat Garbus.

Malihat Landau
Bpost/Riza
Ilustrasi Palui

ZAMAN now wayahni dunia jadi rami karana ada dunia maya alias dunia medsos atau jar urang dunia internet. Banyak untung wan ruginya adanya dunia internet naya. Untungnya sagala habar di luar banua saparti di Jakarta atau di luar negeri kita lakas banar tahu, hitungan detik haja sudah sampai di layar hapi masing-masing. Tapi ada jua ruginya , banyak gambar porno batabaran di situs-situs nang dilarang dijanaki ulih nang di bawah umur. Tapi ngaran dunia panuh kebebasan masing-masing kakanakan kuting-kuting hapi, eh sakalinya katuju jua ai buhan kanakan malihat situs nitu.

”Napa Lui lihum ikam?” rawa Garbus.

“Kada ham aku ya, jadi lihum saurangan karana malihat landau atau batang paha binian tuha, binian anum, asa sigar mata jadinya,” ujar Palui sambil manutup ka hapinya.

“Siapa haja katuju malihat landau iya kalu Lui, apalagi liur baungan kaya ikam!” sahut Tulamak.

“Kada aku haja saku nang katuju, tapi sidin gin badiam-diam haja, kira-kira haja pang aku manangguh,” ucap Palui.

Karana bapander di teras masjid jadi ada tuan guru nang mandangar.

”Napa jar ikam te Lui?” takun tuan guru nang hanyar kaluar pada masjid.

“Biasa haja guru ai, ni kami mamander zaman now, banyak saku lakian nang katuju malihat landau binian tamasuk tuan guru iyakah guru?” Palui batarus terang.

“Uh damintukah ikam manangguhnya? Kalau aku sabagai guru kada handak pang malihat landau nitu, apalagi landau lain ampun bini kita, alias landau anak urang atau landau bini urang, aku muhun maaf lah!” ujar guru bijak.

“Inya napa guru?” Palui piragah kada paham.

Halaman
12
Editor: BPost Online
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved