Si Palui: Jangan Sumbung

”Ikam Lui lah kena jangan sumbung mantang-mantang jadi aparat keamanan, jadi bila betamuan urang lain di jalan dirawa inya

Si Palui: Jangan Sumbung
Bpost/Riza
Ilustrasi Palui

GAWIAN manusia sahari-hari atau jar urang profesi nitu banyak macamnya, saparti ada nang jadi petani, nelayan, guru, PNS, buruh, tentara, pulisi wan lain sabagainya.

Kebetulan Palui wayahni baprofesi aparat keamanan, inya tamasuk nang lulus diterima urang banua, padahal tahun-tahun sabalumnya banyak urang luar daerah haja nang jadi aparat keamanan. Makanya mulai wayahni siapakan fisik mental supaya kawa lulus jadi aparat keamanan, saparti gigi jangan baluang, mata jangan kaur, tubuh jangan batatu, pukuknya fisik wan mental harus fit lah.

”Ikam Lui lah kena jangan sumbung mantang-mantang jadi aparat keamanan, jadi bila betamuan urang lain di jalan dirawa inya,suka lihum, jangan panyarikan!” papadah aruah mama Palui waktu sidin masih hidup lima tahun lalu.

“Inggih Ma ai,ulun kada handak sumbung , ulun rawa bila betamuan urang di jalan atau dimanakah urang handak mamarluakan bantuan ulun siap haja mambantu samampunya ulun,” jawab Palui ka mamanya.

Bapanderan kawalan Palui nang rajin mangkal di pangkalan ujek.

”Palui kawal kita Bus ai, parawaan banar inya, kada sumbung wan urang lain, maski sudah jadi urang bedahi di kampung kita,” ujar Tulamak ka Garbus.

“Kaya nitu jua pang saharusnya aparat keamanan kalakuannya, kada sumbung samantang jadi aparat. Ni kada hanyar jadi aparat RT atau desa, sudah sumbung wan urang, labih-labih urang tuha dimamainya bila kada mangarti wan prosedur baurusan,” sahut Garbus.

“Iya manusia banyak, jadi ada haja nang sumbungwan masyarakat, padahal aparat nitu lahir dari masyarakat jua, jadi harus berbuat baik gasan masyarakat jua,” ucap Tulamak bisa manambahi.

Kada disangka pambakal maundang masyarakat, tukuh masyarakat, tukuh agama tamasuk Palui salaku aparat keamanan ka balai desa gasan mandangarakan tausiah ulih ustadz nang kada asing lagi di kuta dudul.

”Nang tarhurmat, para bapak wan ibu serta dangsanaku sabarataan,” ujar ustadz.

Halaman
12
Editor: BPost Online
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved