Tampulu Bah ai?

”Balum lagi Lui ai ikam dapat undian umrah bagi kaum?” rawa ketua masjid H Ali Gurdan.

Tampulu Bah ai?
Bpost/Riza
Ilustrasi Palui

SUDAH jalan lima tahun Palui jadi kaum masjid di kampungnya saurang. Tapi ngaran rajaki balum sampai , balum jua inya lagi dapat panggilan umrah ka Makkah nang saban tahun diundi gasan hadiah bagi kaum masjid di wilayah hulu sungai salatan.

”Balum lagi Lui ai ikam dapat undian umrah bagi kaum?” rawa ketua masjid H Ali Gurdan.

“Balum tarus pak hajilah, pabilakah ya sampai giliran saurang ni?” Palui asa kada sabaran lagi handak banar umrah.

“Handak lakas ikam Lui?” tawar sidin takajut Palui.

“Kaya apa caranya pak haji?” sahut Palui.

“Caranya ikam satur saurang 25 juta tulak ya umrah?” Pak H Ali sambil tatawa. Mandam Palui asa dikalahakan sidin.

Sampai di rumah Palui ditangsa ulih nang anak, inya hanndak mambawai abah mamanya ka Banjarmasin bajalanan karana babarapa tahun ni kada biasa lagi bajalanan ka Banjar sana.

”Uh tampulu Bah ai pian jadi kaum masjid kawa ai kalu mainjam mutur ambulan gasan kita tulak ka Banjarmasin?” takun nang nak .

“Baapa ka Banjarmasin situ jauhnya?” sahut nang abah bingung.

“Kita mailangi kawal pian jua Garbus wan Tulamak, sukseskah inya di Banjar situ atau kakaya nitu hajakah,” jawab nang anak lantih.

Halaman
12
Editor: BPost Online
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved