Si Palui: Makan Riba

Cuntuh makan riba nang kaya apa, satahuku makan nasi haja pang berataan? sahut Garbus piragah kada tahu.

Si Palui: Makan Riba
BPost Cetak
Ilustrasi palui 

“Jadi kaya apa manurut agama Lui?” takun Garbus handak tahu.

“Tahu sorang kalu, bila dilarang agama nitu hukumnya adalah haram!” Palui kaya tuan guru haja lagi.

“Kaya apa bulihkah kita makan minum di warungnya nitu?” Tulamak betakun banar jua inya.

“Manurut tuan guru kada bulih kita makan minum di warung nitu, karana mudalnya duit riba, tapi kalau ikam kada parcaya takunakan ja ka tuan guru, nyata kada banyak takun lagi Mak ai,” Palui banahap.

“Kaya apa caranya Lui supaya kada babunga lagi mainjam mudal gasan bawarung?” Garbus minta saran.

“Kalau aku manyaranakan pinjam haja ka pambakal, sidin mangalola dana desa, supaya masyarakat ni kada talilit rentenir lagi iya kada?” Palui manyaranakan.

“Uh bujurlah Lui,” taimbai baucap buhannya nitu.

Han jarku ada haja kita di desa masing-masing baisian dana desa, takuni pambakalnya bujur-bujur, adakah tu duit gasan simpan pinjam tanpa bunga, kami parlu mudal gasan badagang atau bawarung, selesai parkara kalau mau hakun basupan batakun, ” Palui gagarunum. (aan maulana/penulis matan kuta dudul, HSS)

Tags
Si Palui
Editor: BPost Online
Ikuti kami di
KOMENTAR

BERITA TERKINI

© 2018 TRIBUNnews.com Network,a subsidiary of KG Media.
All Right Reserved