Si Palui

Si Palui: Mawaris Miskin

Banyak ilmu agama nang didapat anak si Palui salama kurang labih anam tahun sakulah di pasantren.

Si Palui: Mawaris Miskin
Bpost/Riza
Ilustrasi Palui

KADADA pang ruginya manyakulahakan anak di pondok pesantren malah saribu kali untung. Banyak ilmu agama nang didapat anak si Palui salama kurang labih anam tahun sakulah di pasantren. Untung banar kena bila sudah mati anak sorang nang mamandii wan manyalatkan janazah, kalau parlu jadi imamnya anak. Ni kada anak manonton haja kuitan maninggal dunia, banyak haja nang kaya nitu baisian anak.

”Ni ada lagi Bah ai nah, ulun mambari ilmu matan guru, jar sidin jangan guring imbah salat Maghrib,” ujar Amat anak Palui.

“Apa te jadi kada bulih guring imbah salat Maghrib, Mat?” takun Palui pina takajut inya.

“Pian marasa kalu Bah, rancak guring imbah salat Maghrib nitu?” sindir nang anak.

“Bujur banar Mat ai, ada apa nah?” Palui bingung.

“Pian mulai imbah maghrib ni jangan guring nah, apakah digawi, mambaca Quran atau baamalan lainnyakah
sampai waktu Isya,” suruh nang anak.

“Han jarku anakku ni bisa banar mamadahi abah, jadi abah himung banar nah dipadahi, bukannya sarik pang, Nak ai,” sahut nang abah lihum sakalinya.

“Alhamdulillah abah ulun, dikira te sarik dipadahi, tapi sidin himung,” nang anak mancium ka tangan abahnya.

“Napa Mat, jadi kada bulih guring te imbah salat Maghrib?” nang mama muncul matan kamar betakun.

“Eh bujur Ma ai, napa jadi kada bulih guring imbah Maghrib nitu, karana bila maamalakan guring waktu nitu kena mawaris miskin, hakunlah pian, Bah?” sambat nang anak.

Halaman
12
Penulis: BPost Online
Editor: Elpianur Achmad
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved