Si Palui

Si Palui : Madu Asli

Samuaan manjual dudul asli, nang murah atau nang larang jangan cuba-cuba mamadahakan dudul palsu.

Si Palui : Madu Asli
banjarmasinpost.co.id/riza
Si Palui Madu Asli 

SABUTING kalakuan manusia wayahni pasti handak nang asli bila manukar sasuatu barang atau benda, apalagi manukar dudul pasti manukar dudul asli. Takunakan haja wan nang bajual dudul nitu, adakah dudul palsu pasti ha kadada, biar sampai tujuh kali mangalilingi pasar Kandangan handak dudul palsu nyata kada. Samuaan manjual dudul asli, nang murah atau nang larang jangan cuba-cuba mamadahakan dudul palsu.

”Napa Lui maka ikam bapander dudul, paman ikamkahbajual dudul?” takun Garbus.

“Wayahni zaman saraba palsu, tapi kalau handak dudul nyata tatukar dudul asli, karana kadada urang nang bajual dudul palsu,” sahut Palui.

“Damintukah Lui?” takun Garbus.

“Ya dasar kaya nitu Bus ai, kaya apa lagi,” sahut Palui mandam Garbus.

Sabuting pulang Palui basasar ka wadah urang nang bajual madu, pasti urang handak madu asli, kadada samuaan manusia handak manukar madu palsu.

Tapi waktu manukar di wadah Pakacil Uman jar sidin asli atau palsu sidin kada tahu jua am. “Aku manjuali ikam Lui ai, saratus ribu haja, kalau ka urang lain 125 ribu, asli atau kada aku dasar kada tahu jua,” ujar sidinmanawari madu ka Palui.

Datang Tulamak sakalinya umpat jua bapander. ”Ni pakacil madu asli atau madu palsu?” takun Tulamak.

“Uh Mak, ikam handak manukarkah atau piragah manukarkah, pina manukanakan banar?” takun Palui jua ka Tulamak.

“Sudah kusambat Mak ai, pas ikam balum datang, madu asli atau madu palsu aku kada tahu jua, pukuknya bila diminum ampuh ringkut awak bila bangun baisukan nitu,” ujar Paman Uman bapromosi madu nang dijual sidin.

Halaman
12
Editor: Elpianur Achmad
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved