Si Palui

Si Palui: Sugih Murid

Nitu karasaan banar dialami Palui tabukti bila bajalan ka pasar urang kada manyambatinya pakacil...

Si Palui: Sugih Murid
Bpost/Riza
Ilustrasi Palui

NGARAN puluhan tahun manjadi guru, sudah banyak Palui baisi murid nang asal dididknya bahari wayahni jadi manusia barguna bagi urangtuhanya maupun masyarakat, bangsa wan negara.

Nitu karasaan banar dialami Palui tabukti bila bajalan ka pasar urang kada manyambatinya pakacil, om atau paman apalagi julak, pasti disambat urang bapak Palui atau guru Palui. Handak kamana guru? Datang dimana guru Palui? Nitulah nang rancak disambat urang ka Palui.

Pas handak betahur makan di warung makan Galuh Hamawang, digaratisakan ulih tukang warungnya.

”Kada usah dibayari guru Palui lah? Mudahan nyaman mancari razaki nitu haja doakan ulun guru Palui ya?” ujar tukang warung si galuh bungas nitu ka Palui.

‘Alhamdulillah, kada jadi mamacah duit nah aku,” sahut Palui lihum.

“Aku bayar makan sapiring nasi kuning, barapa, Galuh?” takun Garbus.

“Sambilan ribu Garbus ai,” ujar Galuh.

“Nah, kalah aku nah dapat Palui, inya gratis sadangkan aku betahur,” ucap Garbus dalam hati.

Imbah jauh pada warung, Garbus mamanderi ka Palui. ”Napa te Lui, dimana-mana ada warung ikam rancak makan gratis, kada digratisakan tukang warung behanu nang manahuriakan, sadangkan aku bekawan wan ikam tatap babayar ha?’ takun Garbus.

“Nah nitu ngarannya razaki tiap urang lain-lain, jadi artinya razakiku digratisakan urang makan minum di warung tadi,’ sahut Palui asa suka.

Halaman
123
Editor: Didik Trio
Ikuti kami di
KOMENTAR

BERITA TERKINI

berita POPULER

TRIBUNnews.com Network © 2018
About Us
Help